أصعب شعوور مر عليكم ,,

امين

أصعب شعور واصعب لحظه مريت فيها بحياتي يوم ضاعت بنتي مني بالسوق عمرها وقتها سنتين وسبع شهور قبل العيد بليله برمضان دخلت انا وزوجي محل عبايات بسوق مو بمجمع او مول »مادري فهمتو علي!
المهم ان زوجي كان ماسك بنتي ودخل رجال وزوجته او اخته وطلعو أشوي وانا اصيح بزوجي وين البنت تخيلو حتى العامل طلع من المحل ايدور معنا وبرا المحل بالشارع زحمه وانتم عارفين كيف زحمة الاسواق قبل العيد واقعد اصيح واتلفت يمين ويسار وزوجي يقول لاحد يسمعك يمكن احد يدورها من العمال ويلقاها وياخذها لحظتها حسيت ان الارض اتدور فيني ودي اصرخ بصوت عالي واقول وقفو للناس اللي تمشي عشان ادور بنتي ودي أصرخ واناديها احساس فضيع تخيلو ابكي بدون ادموع وعامل المحل يماني قال انا اروح يمين وانتم روحو يسار ما انسى صوت زوجي لحظة ما قال هذيك هيا كانت واقفه ياقلبي عليها ماتدري وين الله حاطها تبي اتصيح وتتلفت يمين يسار اتدورنا واركض لها واضمها وقتها واطلع من السوق
طلعت ماشيه وراء الزحال والحرمه اللي دخلو المحل عبالها احنا
و اتصدقو الى الان مادخلت هذاك السوق ولا لي نيه ادخله كرهته ويوم ركبت السياره جلست اصيح وارجف الحمد لله انو لقيناها 
السالفه مر عليها تقريبا سنتين خرعتي ببنتي لازالت بقلبي وانا نايمه احلم انها اتضيع واقعد من نومي مهدود حيلي من البكاء 
الله يحفظها ويصلحا.

لااله الا الله محمد رسول الله