نبي نتساعد

موووضوع رااااائع جدا

انا مو متزوجه لكن ممكن يفيدك كلامي
واخذته من نصائح المتزوجات
1- ابداي يومك بالقران خلي اول نهارك القران يقولون تتيسر امورك باذن الله
عجبتني هذي النصيحة كثير خل القران اول يومك ماهو فضلت واخر يومك
2- مو كل يوم اكله صعبه تاخذ وقتك ايام اكل بسيط وايام اكل دسم
3- خلي ابنائك اذا كبار من سنتين وطالع يبدأون يرتبون معاك
4- خصصي عطر لغرفة نوم ماتستخدمينه في الطلعات فقط غرفة النوم يعطيها تميز

نصائح مني وانا مثل ماقلت لك مو متزوجه
اذا ماعندك شغاله اسالي عن مكنسة السيراميك او ممساحة السيراميك شفتها حسيتها حلوه وبخاطري اشتريها تسهل شكلها التنظيف

فرزني الاكل مثل الكبه وغيره مثل رمضان فرزني اذا ينفع طبخ للفرزنه

حاولي تنظمين وقتك باوقات الصلوات من صلاة ا الظهر تنظيف وتمسيح البيت و وطبخ الغداء لين صلاة العصر
بعد صلاة العصر بالغالب الزوج بيكون نايم وقتها حطي كريم على جسمك لا تتكلفين خلطات واشياء متعبه حطي كريم شد البشره او تفتيح البشره
وخذي وقت لك هدوووء وراحه وعصيرات
ب المغرب يقوم الزوج سوي قهوتك وتقهوي معه واضحكي لاتنكدين على حالك وحده من صديقاتي متزوجه قالت لي
تصرف زوجك هو انعكاس لتصرفاتك اذا متحلطمة ومكشره هو بيكون مثلك مثل ما انتي تسوين هو يسووي لانه لا ارادي يتاثر فيك افرحي بسوالفه واسمعيها بانصاات وحتى لو مو عاجبتك مشيها له واضحكي واساليه عن اهتماماته وكوني معجبه جدا فيه وراح يتشجع ويسولف معاك
و وحدده ثانيه من صديقاتي تقول ازرع حبا تحصد حبا
الكلمات السلبية لا تقولينها ولا ترددينها الرجال مايقدر الرجال مايحس الرجال والرجال
فكري بطريقة ايجابيه بتكون حياتك متغيره للافضل ابدأي بتغيير نفسك راح يتغير من حولك
والله يوفقك

موضوع مره حلوو احنا معك 👍

انا ولدت من 6 شهور وعندي قبل بنتين وحابه افيدكم وتفيدوني

اول شي عشان مايحس زوجك باهمالك له شاااااااركيه بكل شي حتى بتنويم طفلك لان المشاركه تخلق جو هادي وتتولد منه الحنان والعطف
لاتجبريه بالعكس حببيه في المساعده باسلوب مايخليه يتضمر
بالنسبه للاهتمام الشخصي وفري ساعه تكفي في اليوم مثلا تسوي حمام مغربي او دلكه او صنفره لجسمك ولو مره بالاسبوع وكمان تهدي الاعصاب عن تجربه
عن نفسي بناتي كبار شوي اعتمد عليهم في اختهم الصغيره يمكن يكون هذا الشي اعطاني فرصه اهتم بنفسي وبزوجي الحمد لله
اللي حابه اوصله لكم المشاااااااركه والله انها تخلي زوجك بدل مايغار ويحس انك مهملته يصير يحن عليك ويحاول يخفف عنك