*ّ~*~* التجمع الثاني لمواليد @ينـــايــر و فبـــرايـــر @ 2014 * / استوفى المشاركات .

كيفكم يا حلوات

الله يهون علينا التعب ويبلغنا رمضان واحنا بامل صحتنا وعافيتنا

شوشو حياتي

اختي كانت نفس حالتك انفصلت المشيمة جزئيا وكانت نازله على عنق الرحم وبس دخلت الخامس التصقت تمام وارتفعت لمستواها الطبيعي

اهم شي الراحة التااامة وتنسدحي على ظهرك مع رفع رجولك بمستوى اعلى من جمسك هذا يساعد على ارتفاع المشيمة

مها قلبو الله يهون عليك الوحم واطمني خخخخ بعد ما ينتهي الوحم بترجعي لبعض من عطوراتك وكريماتك والبعض بتكريهم لحد ما تولدي

ماقلت لك امس خليت ولدي يساعدني في شطف المواعين انا اغسل وهو يشطف وشوي الا قال تعبت وجاب كرسي وجلس ماصار يشوف المغسله صحت فيه قوم اوقف زيي واشطف وانت ساكت

بنات كيف كروشاتكم ظاهرة ولا لسة
انـــ๓ëـــاا بالاسبوع 11والكرش ظاهرة وهذا و انا بكرية
لا تحطموني قولوا انكم كلكم مثلي 

انا ثاني طفل

وعندي كروشه من القيصيري فمدري اذا لي بطن ولا لا
لكن ملابسي ماضاقت علي عادي البسهاا

انا مرت اخوي كذا بطنها برز من الثالث
وانتي تعتبرين الشهر الثالث

انا كرشتي نطت ماشالله تبارك الله صايره مدربحة وشكلي مره مو حلو مادري مابعد حبيبت شكلي الجديد ماعرف شلون بيكون شكلي بعد 5 اسابيع ! من جد الحامل مسكينة مادري وش تلبس خصوصا رمضان وراه عيد مايمديك تفكرين الا اول العيد طاب عليك .

هههههههههههههههههههههههههه ياعمري رحمتة هالولد قام يكرف قبل الأوان بس سوي لهم نظام مكافئات لايهرب من البيت قولي كل ماتنظف اكثر بجيب لك هدية كبيره بالعيد عشان يتحس معك .


والله مابعد فكرت بس شريت جلابيتين حلوات للقرقيعان من مصممات معارض ومابعد خلصوا وعدي جاكيت حلو توري بورش فخم وصندل توري بورش بعد بس ماعرف الجاكيت بيسكر على البطن ولا ودي اروح واقيس احس مالي نفس ابد واتابع مصممة مغربية تصمم حق لجين العمران على الانستفرام واكلمها ولاترد علي ابيها تصمم لي بدلة للعيد اشوف متابعينها بالانستقرام يمدحون شغلها يقولون مره حلو واسعارها معقولة وشكلها توصل لسعودية بجرب اطلب واشوف وش ردها والاشياء الثانية ولا فكرت ياربي يخف الوحم عشان اشوف نفسي .

عسااكم ع القوه ....ياحليلكم سهرانين مثلي .....
بالنسبه للكروشه انا عندي شويه قبل الحمل عشان عندي قيصريتين..فما احس في اختلاف

ميم *هههههههه حياتي على ولدك ربي يحفظه لكي خليه يتحمل مسؤليه من الحين وكلام مها حلو لابد من المحفزات..

والله مدري كيف اقضي لعيالي وروحة السوق تتعبني للآن ما دخلت سوق من يوم عرفت اني حامل لانه صارتلي مشاكل في حملي القديم الله لا يعيدها,,
ما اقول غير الله يسهلها ان شاء الله..