شاركي في النقاش

سجلي الدخول لإضافة تعليق.

التعليقات

27
  1. احسن شيء خلي ابوك يقول له سألنا عنك وناس كثير مدحتك واعطيناك الموافقة

    لكن هاليومين جونا واساوا لك وقالوا انك تاخذ مخدرات واحنا ماصدقناهم

    لكن علشان نقطع الشك باليقين ونأكد لهم كذبهم ابروح انا وياك للمستشفى الحين نسوي لك تحاليل

    عن المخدرات و بعد ظهور التحاليل بأنك سليم ان شاء الله نوقف بوجيههم ونواجههم واقول لهم

    كذابين هاذي تحاليله سليمة وانتوا مخادعين وتبون الشر .

    يعني خلي ابوك يستدعيه في وقت المستشفيات فاتحة علشان على طول ياخذه في نفس اللحظة يحلل

    وخليه يبين له انه مومصدق كلام هالناس ويبي يبعد عنه السمعة السيئة ويثبت لهم انه برئ من اتهامهم

    عن طريق التحليل ، فاذا زعل مما سمعه ووافق على طول انه يروح مع ابوك للمستشفى بدون مماطله

    أوتأجيل ليوم ثاني فهو برئ واذا طلعت نتائج التحليل استدعوهم وخلوهم يشوفونها وتقولون لهم حرام تتهمونه

    وتخربون سمعته وتفرقون بنه وبين البنت .

    أما اذا ارتبك وزعل وقام يدافع عن نفسه بكل الطرق وقال لا انا ماأقبل هالإتهام ولا أوافق على عمل التحليل

    مو لأن كلامهم صحيح بس انا واثق من نفسي ولا اقبل على نفسي هالاتهام ولا اقبل اسوي تحليل لأني سليم

    واذا اصريتوا على هالطلب معناها انتوا مصدقينهم وخلاص كل واحد يروح في طريق ومن هالكلام فمعناها

    الكلام اللي سمعتوه عنه صحيح ويبي ينكر ومايقبل يسوي التحاليل لأنها اثبات عليه وفضيحة له بين الناس .
  2. @beautiful_girls

    اهله بيمدحونه مهما كانت عيوبه
    وقرايبك الي جو ماتدرين هل فعلا صادقين او يبون يخربون عليكم خاصه انك قلتي انهم كانو يقنعونك تاخذين واحد قبله ما يصلي وراعي مخدرات وهذا يحذرونك منه !!

    الحل استخيري والجاي لله بالدعاء ثم اسألو عنه بكثافه في العمل حتى الفراش وابعد موظف اسالو عنه هل هو منضبوط او راعي غياب كثير واجازات ويسحب ع الدوام كثير

    واسالو في المسجد الامام وجماعه المسجد ومدى انضباطه في الصلاه واسألو الجيران من اقرب بيت لابعد بيت في حارتهم عن سلوكه معهم وملاحظاتهم عليه

    ثم الوالد الله يطول بعمره يدور احد يطلع برنت عنه من المباحث والجوازات ترى المباحث تكشف بلاوي يمكن اقرب الناس ماتعرفها عنه وهذا شي ضروري تسوونه اعرف كثير عرفو مصايب عن الي خاطبينهم والسبب المباحث
    وخذو ارقام اصحابه واسالوهم ولو ان اغلبهم ما يقولون الحقيقه .. ثم واحد تثقون فيه يراقبه فتره معينه خاصه في فتره اجازه ويشوف سلوكه وتحركاته .. حتى رقم لوحه سيارته خذوه .. لاتقولون نستحي ومن معارفنا فشله نراقب ونسأل عنه بهالشكل هذا زواج ومافي حيا ابدا وابسط حق للبنت لانها بتعيش معه عمر مو يومين ..

    لاترفضين على طول من مجرد كلام سمعتيه لازم تكثفون سؤال عنه ثم تقريين لان بتتبين لك اشياء كثيره
    والواضح انكم سألتو معارفه فقط ما سألتو غيرهم
  3. اسمعي حبيبتي انتي استخيري وادعي ربك حيييييل اولا ترى الشباب هلايام ينخاف منهم ممكن يكون رجل صالح وممكن يكون راعي مخدرات وفي شباب قبل لايخطبون يضبطون اوضاعهم يترك الحشيش او الشراب 40 يوم لين يصفى دمه مضبوط ويتقدم حق البنت وحتى لو جاء كلام عليه وطلب ابو البنت يسوي تحليل يروح معه وتطلع النتائج ايجابيه انه مايستخدم مخدرات ومجرد مايتزوج البنت يرجع لطبعه القديم ويشرب ويستخدم البلاوي حقته اهم شيئ قريبك هذا كيف نفسيته تحسونه رجل زين ولا ابو وجهين ايذا كان ابو وجهين معناته يغار من الي تقدم لك وايذا كان رجل زين معناته يبي مصلحتك واهم شيئ نفسيتك واستخيري استخيري وادعي ربي واهم شيئ احساسك كيف يكون والله يوفقك يارب ويسهل امرك

تابعي تجارب أخرى من هذا القسم.