السلام عليكم
انا لي اخت كبيرها وربي ماكتب لها تتزوج جاها خطاب بس كانت ترفض حتى مر الزمن فيها مو هنا المشكلة
المشكلة ان اخوي الصغير متزوج له تقريبا سبع سنوات بعد ثاني سنة زواج تعرفت اختي على اخوى زوجة اخوي عن طريق خواتة طبعا هو اصغر منها وتوقع بكثير
وعدها بالزواج وكانت اختي ترسل له فلوس مع مرة اخوي اهله عارفين في الموضوع واهلي اكيد في البيت امي وخواتي بس مرة الايام وتزوج هو وقالها انه مغصوب على زوجتة وجلس مع زوجتة كم سنة كلها حسب مسمع مشاكل بالنهاية طلقها من ست اشهر وطول الفترة اللي قبل كان على تواصل مع اختي يكلمها من فترة لفترة طبعا امي مو عاجبها الموضوع بس اختي كبيرها وامي تتجنب المشاكل معاها وكانت ترسل له اذا احتاج لو مية ريال طبعا تحويل او مع اختة بحكم اهلي في مدينة وهم في مدينة تقدم لاختي في بداية السنة على اساس يجي في نهاية سبعة اقصد كلم اخوي اللي هو زوج اختة بس اخوي حسب مافهمت مو مرحب بس قال الرجال انه راح يجي رسمي في شهر سبعة ولمن جاء التاريخ قال لاختي انه مديون ومايقدر الحين
وكله اعذار بعذار والبلاء ان امه وخوانة عارفين وهم طريق الوصل بينهم
ومن كم يوم حولة له اختي خمس طعش الف
واحس انه يستغلها هو واهله طلباتة دايم مادية
واختي كبيرها يمكن نهاية الاربعين
ومحتارها انا ابي اوقفهم عند حدهم واخاف من المشاكل لو اقول لاخوي عن اخو زوجتة اخاف اخرب بينهم وخوي عنده ضغط وخاصة ان زوجتة داخلها في الموضوع واذا كلمتها وحذرتها اتوقع تقول لاختي وتصير بيني وبين اختي مشاكل وانا اصغر منها بواجد مقدر اواجها
وش رايكم وابي نصايحكم وهل الوضع انتم شايفينه غلط واستغلال ولا بس انا شايفته كذا انصحوني
شاركي في النقاش
سجلي الدخول لإضافة تعليق.
التعليقات
55- والله اختك عقلها براسها
انتي قدمي نصيحه فقط وابعدي عن الشر ...
الله يرزقها الزوج الصالح ... - أختي لاديننا ولاعاداتنا ترضى بهذا شيء كيف تكلمه وترسله فلوس وهي ماتعرفه المفروض تنصحينها حتى لو هذا الشيء سبب بينكم مشاكل هذا باينه نيته من الأول إنه إستغلالي فأنا لو مكانك أختي عندي في المقام الأول حتى لو قتلتني مو زعلت مني أنتي أنصحيها وهدديها إنك تعلمين أخوك وحتى زوجت أخوك قوليلها لو أخوك مو قد الزواج لايستغل المسكينه وادعي لها إنها تشوف الحق حق والباطل باطل وذكريهابالله وعقابه والله يسر لها الخير وإذا فيه شر لها يبعده عنها ويعوضها
- حبيبتي انتي انصحيها اذا قبلت كان بها ماقبلت بكيفها حيجي يوم وتعرف نواياه والله يوفقها ويرزقها بالزوج الصالح
- حررررام والله حرااام مستغل اختك وصايرة صرافة له
وزوجة اخوك بالله توصل الفلوس ؟؟؟؟
صراحة قمة الوقاحة واختك الطريق اللي تمشيه حرررام شلون تكلم اجنبي ؟؟
لاحول ولا قوة إلا بالله - اختي امي كلمتها وكانت تعصب وتزعل لدرجة ماتاكل بس تشرب مويه لمن امي تفتح معاها الموضوع
كذا مرة فتحت معاها الموضوع بطريق غير مباشر انه الخبر منتشر والناس تتكلم بالدس وجلست تتكلم وتهاجمني لدرجة صارت تعملي مشاكل اذا جيت عند اهلي بالاجازات
بس زي ماقالت الاخت انا في بالي مرة اخوي اللي هي اختة وفي نيتي افتح معاها الموضوع واهددها لو مابطلت هي وامها واخوها لااخبر اخوي في كل شي وهي تعرف بعدين النتايج لعلى وعسى
بس خايفة لان علاقتي فيها جدا سطحية بحكم اني في مدينة وهم في مدينة وماقابلها الا وين وين
ومعرفها زين اخاف تغيير في الكلام
على فكرة اختي ماشالله راعية دين ولا تترك القران اغلب وقتها في الصلاة وقرآة القران وكانت من الناس اللي ترفض وبشدة العلاقات المحرمة والمشبوهه بس مدري وش صار لها
مواضيع مشابهة
تابعي تجارب أخرى من هذا القسم.