بسم الله الرحمن الرحيم
السلام عليكم ورحمة لله وبركاته
ودي افضفض لكم شوي حاسة بإكتئاب
انا عمري 16 سنة بدرس الثانوية
حياتي سعيدة ولله الحمد مو ناقصني اي شي الا شي واحد وهو امي :(
انا يتيمة الام ووحيدة امي
فقدت امي واناعمري سنتين
لي 14 سنة وانا يتيمة الام
امي كانت زوجة ابوي الثانية تزوجته عن طريق حب حبته وحبها وتزوج على سنة الله ورسوله
ابوي عياله كلهم من زوجته الاولى الا انا انا وحيدة امي يعني
وحياتي صارت مكتئبة لاني بدون ام
وخاصة من اختي الي اكبر مني على طول دائما تجرحني بالكلام عندي من ابوي 6 خوات وانا معهم 7 و 5 اخوان
وخواتي الست كلهم بغرفة وحدة ينامو سوا غرفتهم كبيرة وانا عندي غرفة لوحدي احس بالوحدة
وانا عايشة مع ابوي وزوجته وزوجته مو مقصرة علي ابد بشي
يعني تناديني ع الاكل وتقومني وتنصحني كانها امي الله يجزاها خير
بس !!
ناقصني حنان يعني ودي امي حية عشان اضمها وانام بحظنها وتلعب بشعري وتقولي قصص
ولما اشوف عمتي *زوجة ابوي* تنادي بناتها عندها بالغرفه وتقول لهم قصص وحكايات وهم حواليها
احس بقهر واقول الله يحفظها ويخليها لهم
واقعد اعيش بالخيال بس اتفاجأ بالواقع المر الحمدالله على كل حال
قلت لابوي ابي اروح عند اخوالي قال لا لان جدتي من الشام وتتكلم شامي ابوي ما يبيني اتكلم الا سعودي واكون حواليه
واسفة لاني طولت عليكم بس حبيت اخرج بعض الي بقلبي الحمدالله :39:
شاركي في النقاش
سجلي الدخول لإضافة تعليق.
التعليقات
6- ي حياتي عليگ ..
مو كل ام مثل اللي انتي متخيلتها يكفي بنات هالقسم ( بعضهم ) يشتكون من امهاتهم ..
وعلاقتهم بأمهاتهم وانتي ماتدري لو أمك عاشت كيف بتكون معك وعلاقتها معك .!
كل ماتذكرتيها ادعي لها بالمغفرة ..
واحمدي الله ع كل حال ..
الله يرزقك بالزوج الصالح وتصيري احلا أم بالدنيا ..:) - هههههههههههههههههههههه
الله يرحمها
ويفك خلافات البنات مع امهاتهم والله الام نور البيت ولو وحدة فيهم فقدت امها بتندم على كل لحظة كرهت امها فيها
الله يصلح الحال بس - صح والله م يحس بقيمة الشخص الا فاقده
انتي فاقده امك الله يرحمها وانا فاقده آخت :) >> م عندي خوات
بالتوفيق حبيبتي ~ - الله يفرج همك
- بسم الله عليكي من الاكتئاب، بدري بدري بدرررررري على هذا الكلام صدقيني :)
ممم غريبه مو مرة ابوكي اللي مربيتك؟ ليش هالتفرقه في البيت؟ يعني ليش كلهم في غرفه وانتي لا؟ من متى وانتوا على هذا الوضع؟ علاقتك بالبقيه كيف؟
حاولي تتقربي من اكثر وحده عندك اشياء مشتركه معاها، هوايات مثلا؟ او لو تحبي وعندك الجراه اقترحي على عمتك انك تشاركي غرفتك مع البنات، قوليلها من باب انه حرام كلهم محشورات في غرفه وانا لحالي، فلانه اولى بيها (الكبيره) الخ
مواضيع مشابهة
تابعي تجارب أخرى من هذا القسم.