اخواتي متخاصمات واريد الصلح بينهن كيف؟

السلام عليكم
اتمنى ان تقراون كلامي للنهاية الله يسعد قلوبكن
انا خواتي متهاوشات لهن كم شهر كذا متقاطعات ؛الكبيرة والصغيرة وانا الوسطى بينهن

اختي الكبيرة طلبت من الصغيرة تساعدني في شغل البيت لانه بس انا والكبيرة فقط اللي نشتغل في كل البيت

غسيل - مسح - طبخ - كوي كل شىء كل شىء

الصغيرة من خلقها ربي مستحيل تساعدنا مره مره حاولنا معها بس ماتبغي لان ابوي وامي مدلعينها من صغرها فهي صارت بها انانيه ولاهمها الا نفسها

امي الله يحفظها بحفظه ناقشناها تقنعها لانها ماراح تسمع الا من امي فحاولت امي مرارا ومرارا ولكن اختي الصغيره عنييييييييدة وهي مراهقه وفيها دلع

بصراحه وانا خاطري وسيع ماتحملتها احس كاننا شغالات
صح امي وعلى عيني وراسي اخدمها وافديها واتحمل بس ماتجي اختي الصغيره وتلاقي كل شى جاهز وكانها عايشه بفندق
عاد اختي الكبيره شوي عصبيه وحاده وحاولت معها بس مو مقتنعه مرره فقامت تخاصم وتهاوش تقول
مثلي مثل فلانه ( اللي هي اختي الصغيره ) وتقول والله ماسوي ولاشغله برمضان الين فلانه تشتغل مثلنا

هي معها حق والله بس انا ماقدر اصارخ واهاوش قدام امي :(
امي مااحبها تزعل مرره وربي احيانا اصييح بمخدتي الين اتعب لكل الناس تزعل عندي الا امي ؛؛ وامي عاجزة عن اقناع اختي الصغيره واختي الكبيره تحس بظلم وانه مافيه مساواه وعدل بيننا نحنا الاخوات

فانا صح احس بظلم بس ساكتة وش اسوي؟

ودي اصلح بينهن واقنع كل وحده انكم خوات وان الموضوع مايستاهل اكثر من كذا
سبق حصل نفس الموضوع واصلحت امي بينهن قبل 4 سنوات بس سبحان الله الشيطان عندهن متواجد على طوول :(

الله يخليكم اعطوني كلام مقنع واسلوب مجدي اقدر اقنع كل وحده لحالها واصلح بينهن
تكفوووووون والله مانساكم من صالح دعائي

12 تعليق 6,451 مشاهدة

شاركي في النقاش

سجلي الدخول لإضافة تعليق.

التعليقات

12
  1. @khalolyd

    (اللهم صل وسلم على نبينا محمد)
    -----------------------
    ((من صلّى عليَّ حين يصبح عشراً، وحين يمسي عشراً، أدركته شفاعتي يوم القيامة)) أخرجه الطبراني بإسنادين: أحدهما جيد، انظر: مجمع الزوائد، ١٠/١٢٠، وصحيح الترغيب والترهيب، ١/٢٧٣ .
  2. @lyan_albatl

    والصغيرة كم عمره
    اكيد من الدلع الزايد والمراهقة والعناد بعد لهن دور
    ^
    أجلسي جلسة مصارحه مع الصغيرة وقوليله بأسلوب يأفلانه معقول حنا خوات من بطن واحد مانتعاون
    وش يمنعك لو تساعدتي معنا وصار شغلنا واحد وضحكتنا وحده وش يمنعك ما تشاركينا الحب والسعادة
    نبي نتعاون عشان نحس ببعض ونختلف على شي ونتراجع عليه نبي نحس أننا واحد ونحس ببعض
    قوليله نقدر نسوي الي تسوينه ونمانع عن الشغل بس نخاف من الأنانية نخاف من تبلد المشاعر نخاف يجئ يوم ما نفقد بعض
    وكثري من تحقير الآنانيه

    والله يهديها ويصلحها
  3. ههههههههههههههههه مثل اخواتي الثنتين عند امي وحده تشتغل والثانيه مالها بالشغل بس احنا حالينها كل وحده يوم عليها المطبخ ماتسلمه للي بعدها الا وهو نظيف ولا ياويلها وباقي البيت بالتقسيم عليهم كل وحده لها جزء وماشي الحاال معهم والحمد لله االله يعينكم عليها ويصلحها بس لا زم امك تشد عليها شوي والله يهديها ويخليها شغيله بالبيت هههههه
  4. @lm_82

    جيبوا شغاله لانو في بنات مالهم خلق للشغل وهي مو مجبوره

    والا قسموا الشغل يعني على الاقل تشيل الغسيل او تنظيف اجزاء من البيت
  5. @mngo

    هذي ضررررريبة الدلع الزاااااااايد
    طالما إختك مدلعينها أهلك أنسي بتتعدل إلا إذا فعلا وقفوها عند حدهااااااا
    وحرموها من شغلات تحبها وعادو تربيتها من جديد وشدو عليها
    كلمي أمك على إنفرررراد قولي إختي ودلعها ماراح ينفعها بمستقبلها
    وراح تدفع الثمن وأنا خاااايفه عليها ماراح نضمن إنها بتتزوج واحد يعاملها
    معاملة أهلها لذلك لازم نعينها على نفسها ولازم تشوف الشده منكم
    وتحرم من شغلات تحبها هالشي كله لمصلحتها الدلع وعدم الإعتماد على النفس
    ماررررررررراح ينفعها الله يصلح حالها

تابعي تجارب أخرى من هذا القسم.