السلام عليكم كيفكم حبايب قلبي الله يبلغني ويبلغكم رمضان ويعيننا على صيامه وقيامه على الوجه اللي يحبه ويرضاه
راح اقولكم اللي بخاطري انا مساعد إداري واحمد ربي اللي رزقني ورزقكم جدا مقهوره من وضعي في الوظيفه كل موظفه تعرف وش لها وش عليها إلا حنا صرنا لعبه في يد المديرات ان صارت تخاف الله راعتنا وانا صارت متسلطه صرنا كنا خدمات عندها ما كأننا جامعيات زينا زيها واذا اعترضتي قالت خير انا المديره واكلفك باللي ابي وبعدين مع هالوضع نبي تحديد مهام واضحه لنا ابي شغل واضح نمشي عليه احس كذا تشتت لنا مانعرف وش وظيفتنا بالضبط وظلم صرنا على قولتهم بتاع كله تخيلو يوم كنت بالقريه اللي الكل نايم فيها اشتغل لين اطلع حتى ريقي ماافكه وكل اللي بالمدرسه طمعانين في كل وحده تبيني اشيل شغلها جايه للمديره وتقول خليها تشيل عني هذا كلام المديره لي وبصراحه ماأحس اني جامعيه زي المعلمات تخيلو دخلت معي اوراق للمديره في إجتماع معلمات قالو وين استاذه فلانه راحت وحده من المعلمات وقالت لي روحي ناديها طبعا غرفتهم خارج مبنى الإداره حسيت اني مراسله واقل منهم مستوى شيء يقهر والله قمة الاهانه في هذي الوظيفه خلو المديره هي صاحبة السلطه الكامله علينا كل صبح لنا شغله واذا رفضت وحده شغلتها نادتنا نسويهاوكأنها هي اللي تدفع الراتب من جيبها ومتمننه علينا فيه وخلو زميلاتنا اللي مثل مستوانا واقل يحسون اننا مفروض نشيل كل شيء عنهم وكل هذا بسبب عدم تحديد مهامنا انا مستعده اشيل المدرسه فوق راسي ويعطوني مهام كثيره بس اعرف وش شغلتي واخلص فيها وارضي ربي واحس باستقرار وظيفي ولاضرر ولا ضرار والشيء الثاني الراتب اللي مو على التعليمي بما اننا جامعيات ومؤهلات للتدريس ليش مايخلونا زي المديره والمساعده لاننا اغلبنا كان يبي تعليمي وحطوه اجباري في الاداري بس الراتب يهون عند تحديد المهام
انا قلت كل اللي بقلبي من قهر بس يابنات ماينفع نسكت نبي حل ابي الصوت يوصل الوزارة مو معقوله مو قادره تحدد مهامنا ابي نجتمع ونكتب خطاب للوزارة او اي مسؤول قادر يرفع الظلم عنا بعد الله ويحقق مطالبنا لا تواخذوني على كلامي مو مرتب لاني اكتب لكم وانا نعسانه ابي اصحى والقى رايكم في اللي قلته
شاركي في النقاش
سجلي الدخول لإضافة تعليق.
التعليقات
129- معاك في كل اللي قلتيه
انا خلتني المديرة وكيلة شؤون طالبات ومعاها مراقبه وبعدين قالت لا مسكتني نظام نور وسجلات لا اول لها ولا آخر رياده ونشاط وتسليم شهادات احس اني كل يوم بشغله مو عارفه راسي من رجولي - رفع
- رفع
- السلام عليكن ورحمة الله وبركاته
أتمنى لكن التوفيق
ولكن من وجهة نظري انك تجتمعين بالموجهه المشرفه
الإداريه المسئؤله عن مدرستكم وقولي لها وقدام المديره اذا انت جريئه حددي المهام اللي لي لاني كل شي
يخلوني اسويه قولي ابي تعميم يحدد لي مهامي
اذا ما قدرتي تكلمين روحي لمركز الإشراف او وزارة التربيه
والتعليم فيه تعاميم تحدد مهامك وعلى المديره تقسيم العمل بين الاداريات
ابحثي بالنت عن مهامك وتعاميم تخص عملك
والحين بالزمن هذا ياقويه ولك شخصيه تجادل وتناقش حتى
توصلين لحقك
أو اتبعي اسلوب السياسه والمداهنه وتظبطين علاقتك
مع المديره حتى تخف عليك
دائم اللي لهم علاقة مع المديره يلقون دعم لو معنوي
ودائم اللي شخصيتها قويه بس بحق ما أحد يتجرئ عليها
والرفله والمهمله ما حد يكلفها بشي لانها ما تنجز عملها
لهم بسرعه فيتجهون الى النشيطه حتى تخلص كل شي لهم بسرعه
الله يوفقنا وياكم - الله يسر امركم ويوفقكم
مواضيع مشابهة
تابعي تجارب أخرى من هذا القسم.