عزيزتي انا رحت اخر ماارس 2013 النمسا والمانيا
طبعا بدون حجز مسبق كل شي جاء بسرعه خلال 10 ايام طلعت الفيز وحجزت تذاكر وسكن وسافرنا
انا وزوجي
التذاكر ب7 الف ريال سعودي
دمام اسطنبول فيناااا ذهااب
ميونخ اسطنبول دمام عودة
علي الطيران التركي
طبعا لو حجزنا مبكر شوب كان ارخص مايكمل 4 الي 5 الف بس حجزنا بالوقت الضايع..
ظلينا في فينا 3 ايام في فندق الميرديان اللليله بالفطور 1100 ريال تقريبا او 1200 ريال هيك شي
مكانه استراتجي وقبال الاوبرا والسووق
كان ثلج ودام معك اطفال ابدا ابدا مانصحك السفر بالثلج باطفالك دام صغار
شهر ديسمر ويناير وفبراير ومارس كله ثلج باوربااا لاتروحين بعيالك دامهم صغار بيتغير الجو عليهم وحرام يمرضون وتخترب السفره عليكم
انا بناتي يحبون الثلج لذلك دايم سفراتنا بالثلج
بعد فيينا انتقلنا بالقطار الي سالزبوورغ التذكره للشخص تقريبا تقريبا حول 350 ريال سعودي بس قطار مثل الناس موب مثل قطاراتنا
وصلنا محطة سالزبورغ وسكنا فندق رمادا سالزبورغ قبال المحطة مباشره
3 ايام بعد اليوم حدود 400 ريال سعودي بالفطور او اقل مذكر التفاصيل بس كان رخيص ويجنن
كنا ناوين نستاجل وقتها سياره ونروح زيلامسي بس الثلج ماساعدنا وكنسلنا وطلعنا زيلامسي بالقطار..
كان الجو خطيررر خيال جنه زيلامسي
اخذنا يومين بفندق سي فيلا الليله ب1100 مع فطور وعشاء
واخذنا يومين في فندق جراند هوتيل ب990 مع فطور وعشائ
كانت احلا 4 ايام بحياتنا تندمنا انا جلسنا 3 ايام في فيينا و3 ايام في سالزبورغ قهرررر
بعد كذا بقطار الي المانيا وبالتحديد الي ميونخ سعر التذكره يمكن 200 ريال او 300 مذكر بالضبط
وصلنا ميونخ وظلينا فقط يومين بفندق مارك هوتيل مكانه حلو وجنب السوق والمول ومحطه القطار
الليله كانت حول 500 ريال او 550 ريال مع الفطور
الحين احسبي كم التكلفه من غير زيادة 10 الف للتمشيات وطلعات ومشتروات مع اني اول مره مااقضي مره مره لانه كان ثلج وصادف اجازااات عندهم وعيد الاستر وكل شي مقفل
كانت الميزانيه حوول 30 الف الي 35 الف ريال سعودي ورجعنا بالفين ثلاثه..
ل13 يوم ---12 ليله
اتمنا افتك ولا انصحك بماليزيا روحي النمسا زيلامسي وبسسسسس
ايهم افضل سويسرا او النمسا(تم دمج مواضيع اوروبا )
متابعة النقاش، صفحة 519