بناااات جده ساااعدو صاحبتي حامل وخايفه ع الجنين

السلام عليكم كيفكم يا بنات وحشتوني كثيييير 
بدخل بالموضوع على طووول صاحبتي عندها مشكله بلييييز ساعدوها هي حامل في شهر واسبوع واليوم وهي طالعه من البيت تبي تزور وحده تفاجئت بألم اسفل ظهرها وبعدها نزل عليها دم ثقيل مع إفرازات بيضاء الله يكرمكم يعني الكميه قليله وعلى طول راحت مستشفى الجدعاني وشافتها الدكتوره وسوت لها تحليل رقمي عشان تشوف نسبه الحمل وقالت إذا منخفضه احتمال تسقطين وإذا مرتفعة راح أعطيك مثبت حمل وبعدها طلعت النتيجة وكانت مرتفعة وقالت الدكتوره خلاص روحي وارجعي بعد يومين أعيد التحليل وصاحبتي استغربت تقول المفروض تعطيني مثبت وخلاص بس شكل الدكتوره مااااديه لأنها أخذت عليها 450ريال
اللي أبغاه منكم تنصحونها وش تسوي ومن مر عليها نفس الحاله مع العلم انو صاحبتي توها تحمل بعد صبر 3سنوات
وثانيا ابغاكم تنصحونها بأفضل دكتوره في جده وليست مااااديه 
بليييييز ردو تنتظركم...

23 تعليق 3,049 مشاهدة

شاركي في النقاش

سجلي الدخول لإضافة تعليق.

التعليقات

23
  1. الله يهديها مستشفى الجدعاني
    استغفر الله أخس دكاترة وأخس تجهيزات
    خليها تروح دكتورة ثانية ولا تستنى على نفسها
    الله يتتملها حملها على خير يارب
  2. @farahhhhhh

    الله يعينهااا
    مامرت علي حالتها ولله الحمد...
    بس نصيحه خليها تروح لدكتوره ((جيهان محمود //عيادات السامريه)) حي النسيم
    مرررررره كويسه وغير ماديه وفااهمه شغلها
    وحبووبه مرره اراجع عندها من زمان
    وماشاء الله خبره وبترتاح عندها أكيد

تابعي تجارب أخرى من هذا القسم.