السلام عليكم
يا اختي انا زيك طب..وتر الرسوب في الطب شي جدا وارد وابدا لا تتحطمي
بالعكس في دكتور يقول لنا لمن كان سنة تالت طب رسب في كل المواد ودحين ماشا الله عليه دكتور قد الدنيا
انت بتدرسي اصعب الاقسام ..فطبيعي جدا انك تخفقي في البداية
خدي درس من هدي التجربة وشوفي اش هو الغلط اللي كنت بتسويه
وبالنسبة لتغيير الاقسام استخيري ..
بس عن رأيي أنا ابدا ما أأ ييدك انك تحولي ترا الاسنان مستقبلها ابدا مو زي الطب البشري
لانه الحاجة للطب البشري اكتر .. بس برضو استخيري واستشيري احد من الدكاترة اللي يدرسوك او اي احد فاهم في الطب
واقرئي عن القسم وعن مستقبل دا ودا وقارني .. وربي يكتب لك الخير يا دكتورتنا
وبالنسبة للزواج ترا والله هو رزق ومعايا بنات في الجامعة ماشاء الله مخلفين ومخطوبات مررة كتيير
وياما بنات قاعدين في البيوت وما جا نصيبهم
ادعي ربنا وان شاء الله ربنا يرزقك باللي تتمنيه
شوفي المنتدى مليان مواضيع زي كدا
محتارة بين تخصصين !
متابعة النقاش، صفحة 2