الي ساكنه عند اهل زوجها وعنده اولاد وش تسوي

غريبه عادتكم والله حريم اخواني اشوفهم اخواتي صح عيالهم مزعجين بس عسل على ابوي وامي الله يطول بعمرهم

ههههههههه وش شاربه الاخت

نزليه مع ابوه انا ولدي سنه ونص واخوات زوجي في الاجازات ورمضان عند عماني وولدي يبغى يلعب معاهم انزلوا معى ابوه وانا ساكنه في شقه لحالي كلمي ابوه ينزلوا ويحط بالو عليه

وانا مستغربه من اهل زوجك هذا ولدهم المفروض يشيلونه بعيونهم انا عماني ولدي مدلع عندهم الحمدلله ماااعز من الولد الا ولد الولد

أحس عيب ساكنه معهم وماأنزل لهم :)
ودامهم يروحون ينامون معناته أنتي ما دخلتِ فيهم ف يمكن يطفشون !
أول كنت كذا أشوف خوات زوجي وش يسوون معي خاصة البنات اللي ما تزوجوا وليه يقعدون بغرفتهم وأنا جايه وكذا ولا كنت أشوف نفسي كيف معاهم ؟ بس لما دخلت فيهم تغيرت كل معاملتهم معي والحين أحبهم كثير ويحبوني الحمدلله
ويوم سكنت معهم أجلس كثير عندهم وأشاركهم مناسباتهم و أسوي لهم بين فتره وفتره طبق يحبونه لين الحمدلله خالتي صارت تعتبرني وحده من بناتها وغلاي كبير عندها وتفخر فيني قدام الناس الحمدلله ماشاءالله
ف أحس لو مرة أخوي فوقنا ما راح نعزمها دوم وعيب ما تنزل لنا من نفسها لأن سكننا بنفس البيت يخلي ما بيننا أمور العزايم وطبيعي ننتظر منها كل يومين على " الأقل " تنزل ومعها شي بسيط من يدينها لو زمزمية قهوه
جربت بعد الاهل وكسبت حمولتي صدقيني نعمه بس أنتي جربيها ولا يخربون عليك اللي يقولون لك اثقلي وبيحسبون لك ألف حساب! الحمدلله داخله بحمولتي وبيننا ميانه كبيره فوق ما تتصورين ومع ذلك بشخصيتي الحمدلله حاسبين لي حساب ومحترميني بس اعرفي متى ترخين ومتى تشدين وبس
وكون عيالك يختلطون معاهم وتحت نظرهم دوم بيخلي غلاهم غير عن الباقين كلهم وأنتي الكسبانه من هالشي
والله العظيم إني بشقه لحالي الحين شبه بيت
وإني أتمنى ارجع اسكن معهم بس فرقني عنهم إننا نقلنا لمدينه ثانيه
وأنا وعيالي غلانا غير عندهم

الله ييسر لك أمورك