بعتقد ما في لازم للقلق االنفسي الي عايشة فيه , انت اخدتي حق ابنك وما سكتيلها وهذاالمهم في الموضوع يعني ابنك فهم من الموقف انه الاعتداء على الاطفال خطأ حتى لو كان فقط بالتهديد , شافك اخذتيله حقه وهيك راح يتعود ما يسكت على حقه وكمان ما راح يخبي عليك ان حد ضايقه او اعتدى عليه لا سمح الله وقاله اذا قلت بقتلك او بقتل اهلك (هذا الاسلوب بسكل عام بتبعوه الجبناء الي بعتدوا على الاطفال بأي شكل حتى يسكتوهم ) الخوف بحرك جبال , مهم تتكلمي مع ابنك , استغلي الموقف كوني انت وهو لوحدكم حتى يشعر باهتمامك وقوليله شفت كيف الحرمة الشريرة ما قدرت عليك ؟
هو طفل وهذه كلمات بتأثر فيه نفس ما بأثر فيه التهديد يعني بتدخلي في نفسه قناعه انه صعب حد يعتدي عليه , قوليله هي او غيرها مين ما يكون يكون ما اله حق يعتدي على طفل ودائما راح ادافع عنك حتى تكبر شوي وتصير انت تدافع عن نفسك
قوليله انت كمان بتقدر تخوفها هي او اي حد بحاول يصرخ عليك او يطب فيك , اعمل مثلي ولا تسكت اذا حد حاول يضرك
هيك ابنك بطلع شجاع وما بضعف امام قليلين التقوى من الله
كمان مهم تحكيله انه الحمدلله الناس السيئين مش كثار وفي ناس كثار كويسين , واذا يوم حد حاول يعتدي عليه او يضايقه وما كنتي موجودة معه انه يصرخ ويستنجد بالناس المارين (اذكريله امثلة عن فئات الناس الي بقدر يطلب منهم مساعدة مثل حارس الامن , الشرطي , امرأة ومعها اطفال او رجل مع عيلته) لكن كوني حريصة باسلوبك حتى لا يفقد ابنك شعور ه بالامان
لا تذكريله مكان معين ولا المدرسة حتى لا يصير يخاف يروح وما يشعر انه امين فيها
موقفة وربنا يحميلك اياه
امرأة اعتدت على ابني.
متابعة النقاش، صفحة 25