زوجة الزعووول تناديكم

أخواتي انا كتبت من اسبوعين تقريبا عن زوجي اللي يوقف عند أتفه المواقف ويصنع منها مشكله وبذلك المشكله التاااافهه بإسلوبه اللامنطقي تتشعب وانا انقهر منه ومن تطنيشه لي واتنرفز وتبدأ المشكله تكبر
وزوجي يا جبل ما تهزك ريح ، عاادي ساااكت ومطنش ومبوز ولما اتنازل واروح اكلمه واقول له شو تكسب من هذا الأسلوب والى متى كذا مطنشني وانا ايش سويت علشان تعاملني كذا لان يا اخواتي والله شي يقهر اللي يسويه
وتصوروا دخل رمضان ونحن كل واحد ما يطل بوجه الثاني لاني من كثر ما رحت له وهو مطنش خلاااص حلفت ما اروح له مره ثانيه وهو حتى ما جاء ولا حاول يناقشني بس ساااكت وآخر حوار أقصد شجار لانه فعلا تحول لحرب بيننا بسبب استفزازه لي وغلطنا على بعض وهو غلط كثير
والحين كل واحد ماد البوز ع الثاني وانا من قهري حتى افكر اروح بيت اهلي بس متردده لاني بجد ما عدت طايقه اسلوبه وتطنيشه لي
ارجوووووووكم اتوسل اليكم عطوني نصائحكم لاني مليت من هالوضع وكرامتي ما عاد تسمح لي اروح له وهو مطنش ومبوز ولااا حتى حاول يناقشني
انتظر حلولكم بفاااارغ الصبر
الله يسعدكم دنيا وآخره