اليوم ماتو بناتي
في يوم 3 من رمضان 1434اخذنا بناتي من المستشفي وحطينهن في السياره كانو ميتات وملفوفه بكيس مدري ويش شعوري وقته بعده رحنا مغسلةالموتي اول مره دخلت مغسله موتي دخلت شايله بنتي وزوجي شايله بنتي الثانيه دخلت عشان اغسلهن دعيت من الله يربط علي قلبي وفكتهم المغسله وشفتهن بنات زيىالقمر غسلتهن وكفنتهم وانا كنت واقفه بس اطالع سالتني المغسله ويش يقربون لك قلت له بناتي حسيته هالكلمه غريبه علي مدري ليش ووقته نظرت في نظرات حزن واسي عرفت ان وري سكوتي صرخه الم امي ملكومه ووده تصيح با اعلي صوت كان ودي اضمهم وابوسهم بس ماقدرت ووقفت اطالع لين خلصت وكفنتهن كانو صغار بعدها راحت وشالهم المؤذن وصلو عليهن كان زوجي دايم يوم يصلي علي اطفال ميتين يجيني ويقول شكل اهالهم مره مؤثر يجي متاثر بالموقف بس هالمره كانو بناته مو بنات غيره ماتوقعت يجي يوم وادفن عيالي غسلت بناتي ودفنتهم حسيت اني كبرت خمسين سنه وعمري 25 سنه حسيت اني كبرت كثير الله يجعلهن شفيعات لي ولا ابوهم ويربط علي قلوبنا