₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـتاسع والعشرون ـღ_‗«Ξ❤Ξ二₪

واعذروني ظروفي ماتسمح اني اكون متواجده دايماً
خاصه مع البيبي الجديد
وشغاله بالشهر عندي
يعني انا اقوم كلياً ببناتي الشغاله للبيت فقط
امي الله يخليها لي ويطول بعمرها بتجلس عندي فتره
بتقوم بالطبخ

هند القصيم مشكور يا قلبي  أمين ويأك والمسلمين اجمعين

مساء الخير بنات

احس بالم شديد وضغط على تحت كاني ابسوي شي وانتم بكرامة مع مغص اسفل البطن
ماادري وش اسوي وماودي اروح احس طفشت من المستشفيات الي فيه طوارئ ابطول لين ادخل وعيادة اخر دكتوره رحتلها ماتبدا الا عشره مساءا

ياااارب طمن قلبي وريحني وتمم لي على خير

سيسوما :




سلامات حبيبتي وما تشوفي شر .. توكلي على الله واللي مكتوب ما منه مهروب والله سبحانه القادر انه يخلف ظنونهم توجهي بالدعاء له في جوف الليل واعرفي أن الخيره فيما اختاره الله ..




عبيطه :




اللي فيج ياقلبي وسواس مزمن ولا يمكن استئصاله بسهوله :)
ما عليج شر ياقلبي والألم لابد منه .. صج طماعه تعالو اربطو لي ولا تخلونه يعورني !! قتلج الآلام كلما لها بتزيد هدّي نفسج وتوكلي على ربّج هالالم لان الرحم يكبر والربط يشد .. اهم شي ما ينزل دم او إفرازات او حرقه والباقي بإذن الله هيّن :)




حبيبة سوسو :




حيّاج الله بينا .. والحمدلله على السلامه .. بالنسبه لحالتك مثل ماقالتلك هند إذا كنتي خايفه روحي للطبيب يطمنك .. واهتمي بالربط وان شاء الله ما عليج شر :)




إخباري :




اليوم كان عندي موعد السكر وما تأخرت الحمدلله دخلت بسرعه لكن لقيت السوداني الكريه في وجهي دكتوري للان في اجازه وبصراحه غثني بالكلام وطلب أسوي تحليل كل يوم تخيلوا !!! ويقول إبرة الرئه لاااازم تنويم لان السكر اللي عندك عالي يعني لو تحفين ما نعطيك اياها تأخذيها في مركز .. أما تنويم ولا مافي إبرة رئه ولازم التنويم يومين ..  والدكتوره اللي معاه تقول شكلك راح تولدي في الثامن لان جميع ولاداتك فيه مبكره. ..بصراحه أحس بكدر وضيقه من طلعت من المستشفى مالي خلق حتى أتكلم مع زوجي مسكين .. خليته بالصاله ودخلت غرفتي ويوم جاني طلعت رحت الصاله .. هو عرف أني متضايقه قعد يتكلم ويخفف عني يقول هونيها وتهون كلها يومين وأنا بأخذ لك غرفه لحالك لا تخافين ... لكن للآن متضايقه أحس نفسي مخنوقه ابي أصرخ أصرخ يمكن ارتاح :(
بالنسبه للختمه الحمدلله راح ابدأ الجزء الثامن عشر بكره الصباح

نور فيصل :


سلامتك ياقلبي وما تشوفين شر ... حالتك اللي ذكرتيها تستلزم تروحي المستشفى مابي اخوفك لكن لازم تروحي تتطمني وتطمنينا ..