يـا عروستنا إفرحَي ليلـَة زواجك قربت ~ تجمع عرايس 1434

اي يفيد وحيييييييييييييل حلوووووو

برسلك رابط لموضوع من منتدى ثاني
وحده مسويه فيه خطوات تستفيدين منها وطريقه الحمام المغربي فيه وبصور

برسله لك بالخاص عشان ماينحذف ردي

السلام عليكم ورحمة الله وبركاته ..

مبارك عليكم الشهر ولو أنها جايه متاخره شويتين ..

صبايا حابه أنصحكم بخصوص مسك الطهارة وبعد عناء من البحث
مسك الطهارة افضل نوع ينوجد عند عبد الصمد القرشي واسمه مسك دم الغزال
وهو خالي تماماً من الكحول وسالت أنا بنفسي الموظف اللي بعبد الصمد يقول هو مسك الطهارة
واكد لي انه خالي تماماً من الكحول وريحته بارده وحلوه لكن ثباتها قوي لدرجه بنات
شريته قبل رمضان بأسبوع أو أكثر وأنا اشمه عند المحل جاء على نقابي والى يومكم
هذا أشم ريحته بنقابي مع أني غسلته أكثر من مره وهو سعره غالي أنا خذيت ربع توله بس
لانه أنا ما احتاجه إلا مره بالشهر وهو السنه ولا تنسون وصيه الرسول صل الله عليه وسلم
انه ماينحط على البشره مباشره تحطينه على قطنه ثم تتبعين فيه اثر الدم وانتوا بكرامه ..

بالنسبة للي يعانون من اسمرار منطقه الدفن أنا عندي هالمشكله وعلى آخر خدودي من عند الأذن
واستعمل كريم اولاي لليل والنهار اللي ابيض ووردي صراحه فمه في الروعة يفتح ويصفي ويوحد لون البشره ..

وبالنسبة للي يسألون عن الارواب أنا مدحوا لي الرياض مول يقولون عندهم موديلات حلوه
بس للأمانة أنا مارحت له للحين لكن ان شاء الله بروح له ..

بالنسبة للي ماقضوا قمصان نوم للأمانة أنا رحت نعومي ورحت ماركس اند سبنسر غاليه وموديلاتها مؤ مره خذيت منها أشياء بسيطه لكن مدحوا لي الهرم وكنت خايفه اتعنى له على الفاضي
لكن رحت وصراحه قمه جمال وألوان ومقاسات وأسعار ولا اروع أنصحكم فيه من قلب
خذيت منهم حول 15 مابين قميص وبجامه وفقط 500 وعليا شيء بسيط ..
وبالنسبة لقميص ليله الدخله بعد مافيه شيء عجبني لا بالهرم ولا بنعومي ولا بسبنسر لكن
بعد قالوا لي عن محل في سوق حجاب سوق اسمه الأمانة فيه محل واحد بس لقمصان النوم
عنده قمصان ليلة الدخله روعه وب 250 بس وموديلات كثير ..

هذا اللي حبيت افيدكم فيه ..
وكمان أخبركم عن العربية للعود مسوين خصم 50٪ أنصحكم ماتفوتوه خذولكم بخور عود
أصلي للزواج ..

وحابه أسألكم عن افضل أماكن نشط وجزم وانتم بكرامه بالرياض ..