جداول+خرائط+مطاعم+ارقام+روابط كل شيء بصور**دمج مواضيع دبي

عندك برج خليفه ودبي مول بجنبه ومول الامارات وابن بطوطه والسوق الصيني كلها رحت لها 

السلام عليكم
بنات انا اول ممره اسافر برا السعوديه
وان شاء الله مسافرين على دبي
ابي الخبيرات بدبي والأماكن الحلوه والمحترمه للعوائل
بالمختصر ابي برنامج لمده عشر ايام
وافضل الشقق بالشارقة وسعرها معقول
تكفوون لاتطنشووون

ليش محد رد

رحلة سعيدة ان شاء الله


دبي تهببل وان شاء الله تستانسون


ميزة مولات دبي تروحين تقضين فيها اليوم كامل تتمشين وتتعشين وتحضرين سينما هذا غير الأماكن الترفيهية



يعني اليوم الأول دبي مول وفيه اكواريوم الحديقة المائية روعة واركبوا القارب الزجاجي وماراح يخلص يبي له يوم ثان وثالث بس خلوه بعدين


دبي مول لحاله حكاية




اليوم الثاني الامارات مول


فيه مدينة الثلج و مول مرة راقي ورايق ونفس الشي يبي له يوم



اليوم الثالث القرية العالمية هذي احسن رحلة فيها اجنحة من اعلب دول العالم تركي صيني مصري هندي اسباني مليااان وكل جناح فيه بضاعة من البلد اللي تمثله مع عرض راقص و اكلات من نفس البلد لا تفوووتك


اليوم الرابع خلوه منوع تمشوا على البحر و جلسات البي جي آر رايقة وحلوة وماتملون

الخامس ارجعوا لدبي مووول



يوم شعبي اذا تحبين روحي سوق نايف دراريع بخور زعفران واشياء شعبيه وشنط تقليد ماركات