اصحاب الحكمة والاراء الراجحه يدخلو ويساعدوني بخبرتهم ..

السلام عليكم و رحمة الله و بركاته

كل عام والجميع بالف خير و رمضان كريم ..

بدون مقدمات انا دخلت وسجلت للاستفادة من خبرات الزوجات في مشكلتي واعطائي الرأي..

انا انسانة مطلقة بعد كم سنة زواج والحمدلله على كل حال رضيت بنصيبي وماعندي اطفال

تقدم لي عريس الحمدلله مواصفاته جيدة جدا لكن فيه سبب مخليني اتردد ،،

-انه انسان متزوج وعنده طفلين ..

حسب كلامه لاهلي ان زوجته موافقه بس بنات انا خايفه من التجربه وكيف بتكون حياتي مع

شخص متزوج ،، ياريت اللي زوجة ثانية تحكي لي كيف حياتها وهل في مشاكل او متفاهمين

ويااااااااااااريت بنات بليز اللي زوجه اولى وبقلبها شي او وحدة عندها رأي غير مناسب ياريت تحتفظ فيه لنفسها

اتمنى التجارب والحوار تكون بطريقة مؤدبة واسلوب راقي للاستفادة هذا نصيب وربي كاتب لنا

نصيبنا من يوم مولدنا ...

على فكرة هو عنده دورة بره المملكة و يبغاني اروح معاه عشان اكمل دراستي ..

اخاف ارتاح بالبداية اذا كنت بعيدة و بعدين اذا رجعنا هنا تبدا المشاكل او الظلم وعدم العدل..

ساعدوني ارجوكم استخرت اكثر من مره وارتحت لكن مترددة من اني اكون زوجة ثانيه

ياريت اسمع اراء ذوات الخبرة والعقل الرزين ..

الله يسعد كل من تتواجد في موضوعي ..


×××××
تنبيه للجميع يمنع الردود المستفزة والجارحة
أي رد مخالف يعرض عضويتك لتوقيف
ويمنع الرد من العضوات على أي رد مخالف
يوجد أيقونة للتبليغ يكتفى بالتبليغ
الأشراف

54 تعليق 6,356 مشاهدة

شاركي في النقاش

سجلي الدخول لإضافة تعليق.

التعليقات

53
  1. @ahl_sbyh_3

    استخيري الله كثير

    وبالنسبه ليا لو انا منك مستحيل اتزوج واحد متزوج

    لانه انا عارفه انه لايمكن زوجته الاولى ترتاح ولا يمكن انا ارتاح مدري شعور داخلي فيا ... ماقدر احضن احد امس كان بحضن وحده غيري ...

    الشي الثاني ماتدري يمكن قالولك انها موافقه وهيا ماهي موافقه او مغصوبه او ساكته عشان اطفالها
    يعني هيا اتزوجته وآمنت على نفسها معاه وبعد طفلين .. يادوب طفلين يعني مو درزن قلها ابتزوج ..

    قد ايش تلقيها مجروحه . والله يعين زوجات اللي يعددو ... احس مايهتمو ابدا بمشاعر زوجاتهم
    لاحول ولا قوة الا بالله

    وانا عن نفسي دايما ادعي واقول اللهم لاتفتني في ديني ..

    اذا كانت عائشه بنت الرسول ... الرسول رفض ان علي يتزوج عليها خيفة انها تفتن في دينها ايش حال انا ..

    عموما ياقمر .. اللي ربي كاتبه بيصير ومو آخر رجال عالكره الارضيه .. وشي لفت انتباهي .. يبغا ياخذك معاه بالدوره ويتركها .... اي عدل هذا ؟!؟

    غريب الصراحه ،،، المفروض ياخدها هي اللي صبرت معاه ويونسها بدل .. اول ماتجيه الفرصه يتزوج وياخذ غيرها

    وياقمر كلامي مو قاسي ولا نيتي اني اضايقك .. لكن ابغاكي تفكري .. ودام انك خايفه تتزوجي من متزوج .. ففكري كثير ولو لفيتي عالمواضيع تلقي كثير زوجات ثانيات ازواجهم هملوهم ورجعو للأولى بعد اول ٦ شهور ..

    ويعتبرها نزوه

    وتلقي اللي عمرت مع زوجها بس مشاكل وغيره وعدل ومدري ايش

    .......................

    وثانيا لاتيأسي من رحمة الله ... مع الدعاء وقيام الليل يجيكي اللي تبغيه من نصيبك ...

    وربنا يوفقك
  2. @alfgr_29

    أنا أختي زوجه ثانية ودايما تقول الزوجه الثانيه لااااازم تشرط بيت مستقل وعند أهلها لأن زوجها بيصير مشغول بزوجته وعياله فهي تحتاج لأهلها وبعد تشرط أنهم مايجتمعون بالعزايم هي وضرتها والأفضل مايشوفن بعض أبدااااااا والله يكتب لك الخير والصلاح
  3. @nbd_alhbyb

    انا مع اختي احلى صبيه وفعلا لفت نظري انه بياخذك معه للبعثه يعني بيهجر زوجته كم سنه !!! هذي من اولها بتحقد عليك وبتكرهك استخيري وربي يقدم اللي فيه خير
  4. @shmoooooookh

    لا يشترط رضا الزوجة الأولى فهذا الشرع قال تعالى (فانكحوا ما طاب لكم من النساء مثنى وثلاث ورباع )
    ان كان فيه تكافؤ وقبل ذلك رجل ذو دين وخلق استخيري ولا تسألي عن رضا زوجته فطبيعي ان ترفض اي زوجة زواج زوجها عليها ونادرا ما نجد الزوجات لرجل واحد وخاصة في زماننا هذا متحابات
    اما زوجته الاولى لو كانت البعثة تناسبها بإكمال دراستها ما اختار غيرها والعلم عند الله ولربما هي رافضة الاغتراب
    املي شروطك كتابة وليس شفهيا واهم شيء البيت المستقل والبعيد عن الأولى منعا للإحتكاك واكمال دراستك شرط ضروري

    انت مطلقة وبدون اطفال وفرصتك بغير المتزوج قليلة الا ما شاء الله لا تفوتي الفرصة

تابعي تجارب أخرى من هذا القسم.