السلام عليكم ورحمة الله وبركاته
صحبتي تشتغل في محل ومو عاجبها الشغل مره ونفسيتها مره تعبانه منه وهيا متفقه مع اهلها انها تشتغل بـßÊـس شهر وتترك هدي الوظيفه ودحين تبغ تترك قبل مايخلص الشهر وماهي عارفه كيف تقدم استقالتها وامس جات من الله واتصل عليها مديرها وقلها انت كيف تاخدي كريمات للبيت من غير ماتدفعي فلوس حلفتله يامين بالله انه مااخدتها قلها المشرفة شافت الكريمات في شنطتك.فقررت انها تقدم الاستقاله وتكتب سبب الاستقاله اتهام المدير لها بالسرقه.فايش رايكم انا قلتلها تجيب اي عذر غير هدا.وهيا تقول الا افضل علشان اسيبها فانا خايفه انها تدخل في متاهات مع الشركه.وهيا ماتقدر تقول لاخوانها لانه راح يقوموها فوق راسه كيف تتهم اختنا بالسرقه..فانا كتبت المشكله هنا امكن الاقي حل افضل من هدا او اسالو اخوانكم وازواجكم يعني عندهم خبره .
شاركي في النقاش
سجلي الدخول لإضافة تعليق.
التعليقات
5- فين المحل هذا
حتى ماحد يطيح عندهم ...... هوه يبي يطردهااا يمكن حتى يستغل راتبهاا مابي اشيل في ذمتي
عن طريق ايش الوظيفة طاقات - الله يعينك
- مشكورين يابنات.هيا ماتقدر تعلم احد من اقاربها لانهم مايعرفو انها متوظفه بالسوق راح يشمتو فيها لانها جامعيه وبنظرهم هدي الوظائف ماتنفع للبنات اللي جامعيات...وهيا فعلا متوظفه عن طريق طاقات اللي ماتجيب وظائف الا بالهم .وظائفهم يابائعه يااستقبال..
وعلى فكره يابنات هيا كلمت المشرفه قالتلها اخسريك منه هو كدا مع البنات اول مايتوظفو يقلهم كدا علشان تخاف .وهيا ماهي طايقه المكان من اول ماتوظفت وبعد ماقلها كرهة المحل بزياده.وهيا خلاص ناويه ع الاستقاله وعارفه انه ماراح يوافقو عليها علشان موسم دحين وتقول بكيفه اكتب كدا.. وانا خائفه عليها.انا قلتلها تكتب سبب الاستقاله ظروف عائليه وبعدها تطنش اتصالاتهم ماترد عليهم..وهيا تقول افضل اكتب سبب الاستقاله انه اتهمني علشان يعرفو انه البنات مو لعبه عندهم اقولها مستحيل يهتمو فيك ويعاقبو المدير..
الله يسعدكم يابنات ادوها حل .
سامحوني يابنات ادا في اخطا اكتب من الجوال.. - رفع
- الغلط مو عليها
الغلط على المدير المفروض يوظفون مديرة سعودية مو اجنبي
مواضيع مشابهة
تابعي تجارب أخرى من هذا القسم.