يابنات يانسوان الي عندها بنت ف الجامعةاو الثانوي تفصلها من هنا /استوفى

لا ماني معك .. درسنا ولا توظفنا ..
لكن ما ندمنا بالعكس .. مهما كان لابد من الفائدة من دراستها الجامعية ..
تتوسع مداركها ويتطور تفكيرها.. وتواجه أشكال البشر يصير عندها خبرة في التعامل معهم
يعني فائدة عقلية وإجتماعية ..
أنا ما أقول ان كل اللي قعدوا ماكملوا ماعندهم مايقدرون يطورون من أنفسهم سواء ثقافيا أو شخصيا ..
لكن معروف عندنا أغلب اللي تنقطع عن الدراسة يصك عليها باب البيت و غالبا تتكيسل عن القراءة والبحث

ودام ما فيه وظايف في كلى الحالتين .. ليه ما تكمل على الأقل تطلع من البيت تغيير جو وتشم هوى الصبح اللي يرد الروح

قال عز وجل: ﴿قل هل يستوي الذين يعلمون والذين لا يعلمون﴾ 

بصراحه امثالك كثيييررر ... و تفكيرك غريب 

العلم نور .. لازم اتعلم ما اصير جاهله و الارزاق عند ربي اذا كاتب اني توظف بتوظف  ..
و الوظيفه عمرها ما كانت دافع للعلم  .. التعلم عشان اتوظف  ؟؟!!
وبالعكس الي تتعلم و تقضي و قتهاا في العلم " امتحانات و مذاكره " هذه مستفيده من وقتهاا 
بدال الحش .

الله يهديك ..

الشهاده سند . . لا صار وضاقت الدنيا فيها .. تحاول منا ومنا تشتغل ولا تذل نفسها لاحد


والرااااااااااااااازق هو الله سبحاااانه

اطلبو العلم ولو في الصين

معليش بس لفت نظري رد سيدة متألمة
الحين تقارنين بين وقت جداتنا ووقتنا وتقولين انهم نجحوا بحياتهم وهم مادرسوا ؟
تقارنين بين زمن الطفل فيه مايعرف مكان ابعد من عتبة بيتهم وبين عصر العولمة والتقنية والتفتح

خليتي كل مشاكل الدنيا بسبب وظيفة المرأه
ياعزيزتي المجتمع تغير ككل بسبب ضعف الايمان وقلة الامانة
والحياة الان صعبة ومعقدة مو مثل بساطتها اول علشان تقولين ارتفاع نسب الطلاق بجيلنا وتشبكين المواضيع ببعض
جدتي وجدتك لو يعيشون بهالزمن الي نعيشه وتعرضوا لنفس ظروفنا كان مافكروا يتركون دراستهم
بل على العكس كان درسوا وتعلموا علشان يلحقون التطور الكبير الي نعيشه ويقدرون يفهمون الي حولهم ويقللون الفجوة الي بتكون بين جيلهم وجيل اطفالهم
ولاحظي الجدات والامهات الان وحرصهم على دراسة عيالهم ليه ماقالوا هذا احنا مادرسنا وماضرنا ؟!
الا بالعكس يحفزون ويدعون وكل ام تتمنى عيالها يحصلون اعلى الشهادات

وبعدين عزيزتي الزوجة الي بتقصر على زوجها وبيتها واطفالها
هذا شي بشخصيتها ماله علاقه بكونها موظفة او جالسة بالبيت
انا شخصيا اعرف امهات حريصات على عيالهم من ناحية التربية ومن ناحية التعليم ومن ناحية العناية والنظافة
وبعضهم موظفات والبعض منهم لا
واعرف امهات العكس تماما وهالشيء يعتمد اولا واخيرا على شخصية الام
ويكون بعلمك اغلب البيوت الان فيها خادمات سواء الزوجة عاملة او لا
ووجود الخادمة فالبيت لاهو عيب ولا حرام وهالشغلة بالذات اعتبرها قناعات
انا مثلا ما اشتغل لكن من وجهة نظري اذا الزوج يقدر يوفر لزوجته خادمة وترتاح هي من اعمال التنظيف والغسيل والكوي ليه لا ؟ مافكرت فيها واجهة اجتماعية او غيره
واعرف وحده تشتغل وعندها اطفال ومع ذلك رافضه وجود الخادمة وقايمة باشغال بيتها من افضل مايكون ماشاء الله عليها




ليه احنا خلقنا علشان الزواج
كنت اعتقد انا خلقنا لطاعة الله سبحانه وتعالى