تجمع أمهـات أطفال الإعاقة السمعيــة ( الثـالث )

رند كنتي تدربيه  في الثلاث سنوات اللي ماستجاب فيها... ولا وقفتي تدريب

هلا اختي
أدربها باستمرار ما تركتها وكان اللي حولي يقولون ماراح تستجيب بس الحمد لله. الله فوق كل شي
لـــو تشوفين فرحتها بعد ست شهور لما التفت لصوتي خايفه لانه كان شئ جديد عليها.

اهم. للسماعه خليها عليه باستمرار وأي صوت تسمعونه حسسسوه به أن فيه صوت.

وعليكم السلام .......... اللهم امين
ياحبيبتي قرأت مشاركتك وماحبيت اخرج من غير ماارد عليكي فأقول لك من تجربتي في الزراعة ولكن حالتي لايشبة حالة ولدك وانما حصل ضعف سمع في سن متأخر تقريبا في المرحلة المتوسطة والنطق عندي سليم من قبل العملية ولكن واصلت دراستي في المدارس العادية حتى الجامعة وحاليا دراسات عليا والحمد الله ...
بالنسبة للزراعة القوقعة اجريت العملية في المرحلة الثانوية وكنت في المدارس العادية ومديرتي ومعلماتي وزميلاتي (العاديات ) كانوا مشجعين على مواصلتي مسيرة العلمية ربي يخليلهم لي والحمد الله استجبت للاصوات بعد شهر من عميلتي لاني اعرف اميز الاصوات يعني اسمع 97% وطبعا ضبط البرمجة هو انا اللي اضبطها مع الدكتورة وهي تعمل لي البرمجة وبدون تدريبات سمعية انا اللي اعتمدت على نفسي من غير مااشاور احد وبالنسبة حالة ولدك لسة هو بعمر صغير فحاولي معة شتى الوسائل انه يميز الاصوات من خلال تدريبك له وحتى مع الدكتورة واهتمي فيه فلا تتضايقي واتركي عنك الهم (تفاؤلوا بالخير تجدوه ) قولي الحمد الله بقدر مانسعد ونتألم صدقيني هوبيسمع لكن البرمجة ماهي مضبوطة احسه يسمع مشوش هو في صوت لكن مشوش هو طفل مايعرف كيف يبضبط البرمجة معاه وطبعا حيكون طفل عادي مثل العادييين حيسمع ويتكلم ويدخل مدراس عادية وان شاء الله بتشوفينه دكتور ويعتمد على نفسه وبتفرحي فية الله يملأ عليك الفرح والسعادة قولي امييين
قلت لك قصة حياااتي ............. الحمد الله على نعمة العافية
ودمتي بالف بووود

بالعكس هو يستيجب الاصوات بس اصبري علية شوي واجعليه يتقبل الجهاز لانه اذا ماتقبل الجهاز ماراح يمشي الجهاز معاه عشان يسمع كويس وكوني معاه في كل وقت ودربيه على الاصوات خطوة خطوة في البداية لازم يسمع اسمه بالاول كوني انتي خلفه ونادي اسمه وتكرري كم مرة في كل مكان يعني في غرفة مثلا ثم الحروف ثم الكلمات ثم الجمل ثم قطع لانه هو طفل صغير ماقد سمع الاصوات من قبل فلازم يميزها ويتعرف عليها ومع مرو الشهور والسنين حيسمع زي الفل يإذن الله
واقول لك حاجة مهمة شغلي على القرآن وخليه يسمعها واجعلي كتاب القرآن بجانبه وخليه يشير على الايه من خلال ماسمعه بتلاحظي وتشوفي كيف .....
مع العلم اني لست متخصصة في هذا المجال لاني تخصصي رياضيات وهذا تجربة مني
الله يشفيه ويعافية يارب العالمين .........