أسمحيلي دامك بها لنفسية كل شيء بتشوفينه تعيس حتى لوكان لصالحك ، ما لك إلا دعاء الله وإدعي وأنتي متفائلة بالفرج وانا اقوله عن تجربة بنفسي حتى هذا الرجال اللي تقولين إنك دعيتي حتى في ليلة القدر يمكن خيره طيب ممكن تتزوجيه ويتعسك فوق منتي تعيسه وإن شاء الله بكتب لك اللي احسن منه واكيد فيه احسن منه كثير والخيره فيما أختاره الله ترى انا همومي اكبر من همك سابقا لكن ربي افرجها والحمد لله الامور كل مالها تتيسر بس صدقيني
أنتي ماراح تقتنعين أن الدعاء بنفس راضيه بالقضاء والقدر ومتفائله بالله سبحانه إن هذا هو العلاج والسلاح للمؤمن ، وهذا الكلام ما يصدر من إنسان مؤمن أنتي محتاجه تقوي إيمانك بالله أكثر جربي لو شهر أو شهرين وبتشوفين التحسن على فكره أحس الإنسان إذا قنط من رحمه الله بموضوع معين يتعقد ويصعب وإذا أقنع نفسه بالرضا والقدر والتسليم ينفرج لأن ما لنا إلا الرضا والقدر الكثير يحسبها شئ ثانوي في إيمان الناس ، كذلك أحب أنبهك لنقطة مهمه أن الإنسان لا يتمنن على الله بفعل عبادة كأن تقولين دعوت الله وما صار اللي أبي أو أنا صار لي كذا وانا بعد أصلي وأصوم يارب وغيري ما يصوم ويصلي ويدعي مثلي ترا هذا يحبط العمل الصالح إنتبهي
لو أقول أنا وأهلي وش مرينا فيه ما راح أحد يصدق والله يفرجها وإن شاء الله تنحل كل المشاكل ويرزق الجميع لكن ندمت على لحظات اليأس اللي تخلي الإنسان عائش وكنه ميت
الله يفرجها عليك ويرزقك ويسعدك دنيا وآخره ، ويرزقك الزوج الصالح افضل من ماكنتي تتمني ويصلح والدك و يهديه
الله يعتق رقبتها من النار الي تدخل وتدعي لي انا محتاجتكم مهموووومه
متابعة النقاش، صفحة 10