السلام عليكم ورحمة الله وبركاته
انا ولله الحمد ابتلاني واختبرني الله في وزن ولدي ... ولدي صحته جيدة والحمد لله من يوم ولدته مامرض الا مرتين واللحين عمره سنتين و5 شهور وللأسف نحيف جداً لدرجة اخجل اقول وزنه ... الحمد لله
أحس شهيته مو مثل الأطفال الآخرين يعني ياكل بس مو مثل ماهو لازم وأهل زوجي رجعو سبب نحافته لرضاعتي الطبيعية , تعبت وأنا أدعي ربي لو ياخذ من صحتي ويعطيه أنا راضية بس سؤالي اللحين :
_ ابني صحته حلوة جداً ما شاء الله يعني أكثر من السخونة الي تجي مع التطعيم ما في وذكي جداً لدرجة يخوفني بس ما يتكلم أيش أقدر أعمل عشان اخليه يقلدني وانا أعلمه ؟
_ ابغى فاتح شهية مضمون يخليه ياكل أكثر ؟
_ هل الرضاعة الطبيعية سبب في النحافة ؟
وغير كده أخواتي أبغى أنواع الأطعمة الي تسمن الولد أنا سمينة لكن زوجي وأهله نحاف جداً هل الوراثة لها عامل ؟
أرجوكم ساعدوني أنا الناس تقول أني أراعي ولدي زي الممرضة وأهتم فيه لكني عصبية وأحب النظام والنظافة ومع كده أتخلى عن كل شي عشان ياكل صحنه ... انا أعطيه بدياشور ولقيت عليه فائدة الحمد لله لكن مش زي الي أحسه الوزن المثالي لطفل زي ولدي ... ساعدوني الله يفرج همومكم وكرباتكم آمين
شاركي في النقاش
سجلي الدخول لإضافة تعليق.
التعليقات
10- انا اتوقع لها علاقه بالوراثه زي بنات اختي نحاف ،،،،
ودام صحته كويسه الحمدالله ،،،
اعطية زر مصري مع الحليب ،،،،ومع الحليب اعطيه حلبه ،،،،،وسوي له عصيدة التمرر - صاحبة الموضوع #82200897شكراً للرد الله يعلم قد أيش أبكي حتى في هذي اللحظة أبكي ياريته ياخد من صحتي تعبت من كلام زوجي والناس أحياناً كانت توصل للطلاق بيننا عشان الوزن ... تعبت وندمت الي ما أعطيته رضاعة بس أنا أبغى تكون صحته طيبة ولا يجيه شر من الرضاعات لأني أصلاً سمينة وأخاف من السكري الي في عائلتي
- انا ولدي من يوم جبته وهو على الحليب الصناعي ماأخذ صدري عشان كنت تعبانه وماقدرت ارضعه طبيعي وكنت زيك ابغاه يسمن بأي طريقه ومافيه حليب صناعي ماجربته كل انواع الحليب اعطيته ولازاد وزنه واعطيته حلبه ومنقوع التمر برضو مازاد زي ماهو عمره الآن سنه وثلاث شهور ووزنه 9 كيلو شفتي كيف نحيف يعني السبب مو من الرضاعه الطبيعيه السبب وراثي والله أعلم .... وانا حاليآ اعطي ولدي فيتامين اسمه هايبول بحثت عنه ولقيت انه افضل فيتامين وفاتح للشهيه ويقوي الذاكره جربيه يمكن ينفع ولدك وان شاء الله عيالنا يسمنو من غير مرض ياااارب
- حبيبتي لا تردي عليهم المهم صحة ولدك ارضاء الناس غاية لا تدرك انا حصل معي نفس الشي لما ولدت بنتي كان وزنها مثالي 3.200 و لما كان عمرها شهر ونص اللي يشوفها هذي نحيفة كأنها والدة لبارحة شككوني لدرجة وديتها الطبيبة قالتلي وزنها عادي ماهي نحيفة و انا كمان ارضع طبيعي بقولون لي حليبك خفيف و مع الوقت لما شفت بنتي صحتها الحمد لله ما تمرض و مثل ما قلتي التطعيم ما يضرها كتير .......آسفة طولت بس لا تردي عليهم و بكرا لما ولدك يصير يلعب و ينشط كثير بيصير ياكل اكثر
- انا زيك
ولدي الاول رضعته صناعي والحمدلله وزنه طبيعي
الثاني رضعته طبيعي ونحييييييييييييف وعمره الان سنتين ونصف تقريبا زي ولدك ونحيف جدا ولكن اهم شيء الصحه والعافيه
انتي اذا اي احد سالك ليش نحيف قولي طالع على اهل ابوه وراثه وريحي راسك ..
مواضيع مشابهة
تابعي تجارب أخرى من هذا القسم.