ايهما افضل مع السلايف المواجهة او التطنيش ؟

حتى العين الحمرا معد تفيد في بعض الناس

حبيبتي نصيييحه بلاش من المواجهه انا جربت حتى مع اقرب الناس لي صارتلي كذا مره والله والله انو يكون الحق معايه ولمن اواجههم يقلبون كل شي عليه ويطلعون منها زي الشعره من العجين بس حاولي لمن تتجمعي معاهم قولي سبحان الله الناس تغيرت صارت بس قيل وقال والمشكله كل انسان يرجع يفتن ع الثاني بالله فين يلاقي الواحد وقت يتفرغ لناس راح تلاقين وجيهم تغيرت اسأليني انا لمن قلتها قدامهم وضيفي عليها اصلاً اللي يبتكلم من ورايه فداه ذنوبي ولو عنده الجرآءه الكافيه واجهني بالكلام امامي هذا معناتو اني شاغله المجتمع وماكله مخهم هههههه صارت محاضره بس والله لمن اقول كذا كل اللي هرجو فيني وصلني عنهم كلام تتغير وجيهم ويذالعون الارض اللي على راسو بطحا يتحسس وخليك بيتك وعيالك وطنشي والله يبعد عنك كل شر

والله ي عزيزتي تختلف الشخصيات فيختلف طريقه الاسلوب معهم

فكل واحد عامليه بطريقته وانتهى الموضوع

على حسب شخصية اللي قدامك يكون ردك عليه أو اسلوب تعاملك معه ..

فيه ناس تأذي وفي نفس الوقت تخاف من المواجهة .. في هالحالة المواجهة يكون حد لكف أذاهم ..
وفيه ناس ما يهمها المواجهة بالعكس تسعى له وإذا واجهتيتهم انسعروا زيادة وجروا لك مشاكل أكبر ..
في هالحالة دواهم التطنيش والتهميش وكأنهم غير موجودين ..
وفيه ناس بيني وبينك لا خوف من الله ولا حياء ولا سمت .. هذولا البعد عنهم غنيمة .
يعني شوفي اللي يأذونك .. راقبيهم في تعاملاتهم مع اللي حولك وردود أفعالهم وتعرفي على شخصياتهم وإذا عرفتي شخصياتهم ودرستيها عرفتي وشلون تتعاملين معهم .