شاركي في النقاش

سجلي الدخول لإضافة تعليق.

التعليقات

73
  1. @anfynyty

    *غنــوجــه*
    كان ستر على البنت او على الاقل قال ما ادري عنهم يعني انتوا الي ضامنين ان الرجال اخلاقه توب وماعنده يمين ويسار وهو الي ملاك طاهر نازل من السماء كل انسان وله نزواته وزلاته ولا احنا تعودنا ان الرجال عيبه بجيبه والبنت بس هي الي تدفع ثمن اغلا…
    اذا مب ضامنين ان الريال يكون زين
    وانتوا مب عارفين عنه الا كل خير،
    تضمنون ان البنت ممكن تعتدل لو عرست؟

    عن نفسي لو كنت في موقف زوجك كنت
    بسوي نفس الشي، عشان الله بيحاسبني
    وأكيد ما بتبلى عليها بكلام زياده
    مجرد انا شو أعرف

    وبعدين ريلج ما دار على ربعه كلهم
    او يلس يرمس عنها في الميالس،
    هو تكلم يوم انسأل وقال الحق
    وقال اللي شافه مب مجرد شي
    سمع عنه ومب متأكد منه
    ولو قال انا ما أعرف ، بيكون كذب
    على الريال وبيحصل ذنب...
    لو قال حق الريال لا تتزوجها
    ما تناسبك مثلا، أكيد بيشك
    وبيسير باله لشي الله أعلم به


    احنا ممكن نتعاطف ويا البنت
    وممكن تكسر خاطرنا بس لو
    اخو واحد منا بغا يخطبها اكيد
    موقفنا ممكن يتغير

    ما أقول الا الله يستر علينا جميعا
  2. @am_aaboood_1

    صاحبة الموضوع
    شكلوتو
    يعني انتم اولا متاكدين انها كانت مواعدة واحد ؟؟؟ يمكن يقربلها يقرب لصاحبتها ؟؟؟ لو هي صحيح لعوب ما حتقابل واحد قدام الناس كان راحت لها بيت ولا مكان ماحد يشوفها وما ادراكي يمكن هي يائسة وتفتكر ان هذا بيتزوجها ؟؟؟ البنت ما تتعرف ارضاء لشهوة …
    اختي العزيزه انا وضحت ان زوجي شافها كذا مره تطلع مع صبيان
    وبعدين هي شافتنا انا وريلي وغطت ويها بالشيله يعني خافت
    وبعدين انا شفتهم ويا ريلي بالبراده يكلمون بعض وخايفين لاحد يطالعهم
    والشاب الي قابل هالبنت سعودي وهي بحرينيه وهذا الشاب كنت اشوفه بالجامعه
    الصراحه اخلاقه ما تعجبني حتى اني قلت لزوجي هذا الرجال ويانا بالجامعه سعودي
    ومغازلجي حده وكله يلاحق البنات من وين عرفته؟؟
    انا ادري انك تقصدي حسن الظن بالناس لكن انا اقولك البنت فعلا كانت مواعده هاشاب
    بس بغيت زوجي يستر عليها ويمكن لو خذت هالرجال تعتدل وينصلح حالها
    خصوصا انها ميته تبي تعرس ..حسب ما قال لي زوجي
  3. @am_aaboood_1

    صاحبة الموضوع
    **ام عبووود**
    اختي العزيزه انا وضحت ان زوجي شافها كذا مره تطلع مع صبيان وبعدين هي شافتنا انا وريلي وغطت ويها بالشيله يعني خافت وبعدين انا شفتهم ويا ريلي بالبراده يكلمون بعض وخايفين لاحد يطالعهم والشاب الي قابل هالبنت سعودي وهي بحرينيه وهذا الشاب كنت …
    مشكورين جميعا وخصوصا اختي رهوفه على الادله والبراهين بارك الله فيج
    شكرا اقنعتوني ان زوجي الصح بس انا دياما قلبي طيب وما استحمل افضح احد
    ولو شفت منه الغلط اقول الله يستر عليها مو انا الي بفضحها ..
    لكن خلاص كلكم او الاغلب منكم اجمع ان راي زوجي صائب ربي يحفظه لي
    والله زعلت لما فعل هالشيء قلت حوبتها بتجينا لكن الحمد لله كلامكم حسسني ان الي سواه
    زوجي عين العقل وانه لو ما سوى هالشيء جان حوبة الرجال بتجينا لانا ما صارحناه بالصج
    وانا فعلا لو كان اخوي يبي يخطب هالبنت بزعل وايد اذا ما صارحونا الناس بحقيقتها
    لان البنت سمعتها هوا ولا تعوق تنتشر .. عسى ربي يهدي هالبنت ادعو لها
    ويرزقها بالزوج الصالح ..
  4. @blsm_fkt

    اختي زوجك ادى المسؤولية وشهد شهادة الحق

    ليس هنا موضع الستر

    هذا خاطب ويسال ولابد ان يخبر بالصدق
  5. @mhaoy_alyl

    زوجك غلطااااااان ميه بميه

    اعوذ بالله اذا كان رب العباد يسامح ويغفر غلطات الناس حنا من سامح
    ياحبيبتي الرسول عليه والصلاه والسلام سامح وغفر للمراءه اللي زنت وقصتها مشهوره عشان بس يستر عليها وماتنفضح
    وانتم جاين تقولون هالحكي
    والله اذا كل واحد بيتحاسب على ماضيه مافي احد سليم بهدنيا

    في حديث عن الرسول في ما معناه ان لو ماكان في ناس يخطئون ويعملون سيئات كان خلق الله ناس تعمل سيئات عشان تستغفر له ويتوب عليهم

    ليه كذا كلكم تتعالون على كل من اخطى او زل
    وربي لو اعرف ان وحده زنت وتابت اني لاخطبها لاخوي وماعندي فيها اي مشكله
    وزوجك الله يستر على بناتك من الذنب اللي ارتكبه ابوهم ويوريه كيف يفضح بنات الناس ولا يستر عليهم وش فيها لو انه سكت وقال مااعرف شي واحتسبها لوجه الله عشان ربي يستر عليه وعلى اهله
    اعذرني دمي فار من تصرف زوجك تصرف طائش
    الله يستر على بنات المسلمين من فضايح بعض الناس اللي مايخافون ربي فيهم

تابعي تجارب أخرى من هذا القسم.