المتعينات بالقويعية

تبعد عنها 160 كيلو تقريبََا ..

ابد يااخواتي اكتبوها وتوكلو على الله واحنا سكان الرياض تعتبر القويعيه هينه دامك تروحين وترجعين بيتك 
صحيح انها تعب بس والله العظيم انها ممتعه خاصه اذا الله وفقك بقروب معلمات حبيبات 
يهون المشوار والطريق 
توكلي على الله واكتبيها انا قعدت احتري التعيين في الرياض تسع سنين والسنه العاشره توكلت على ربي وكتبت القويعيه وطلع تعييني وابشرك قضيت فيها ثلاث سنوات من اروع ايام حياتي وربي من علي السنه هذي ونقلت للرياض 
فالف حمد وشكر لك يارب 
هو التعب لاصار عندك اطفال وخاصه المدارس تشيلين همهم اما اذا انتي عزبا فابد قدمي وتوكلي على الله 
وربي يكتب لك اللي فيه خير ي قلبي 

الله ثلاث سنوات وجاك النقل ؟؟؟؟؟؟؟؟؟؟؟؟؟؟
واجد
يعني لو قدمنا مكان بعيد نجلس سنين على بال ماننقل
الله المستعان بس

ياحياتي ثلاث سنين واجد وانا اشوفها هينه 
انتي لو لحقتي على المعلمات قبل المكرمه اللي جت ونقل بسببها كل المعلمات القديمات 
كان عرفتي ان ثلاث سنين شوي 
تصدقين لقيت معلمات صار لهم عشر سنين و14 سنه ماجالهم نقل 
لدرجة اني بداية تعييني جاني احباط وقلت الحين هذولي عشر سنين ولا انقلو اجل انا كم باقعد 
وكانو المعلمات انفسهم يحبطون الجدد 
ودايم يقولون لاتفكرين بالنقل قبل ست سبع سنين وانتي طالعه 
بس الحمدلله ربي هونها انقلو كل المعلمات المغتربات القديمات اول وبعدين الجديدات ويارب لك الحمد 

شوفي القويعيه تبعد عن الرياض 200 كيلو تقريبا وحطي ببالك انهم ممكن يحطونك باحد قراها وقراها تبعد عنها بواجد واغلبها بر واذا على النقل لكثر من 100 باص يمشون كل من الرياض لها ولقراها ومن ناحية التطور متطوره وفيها سكن للمغتربات والله يرزقك ويرزقني امين