السلام عليكم
يا بنتي والله بانه حالتك مؤلمه ومحزنه
وعمرك يضيع بدون ما تحسين
الان كتبتي هالموضوع وكل وحده تعاطفت معاك او سبت زوجك او تحسبت فيه,,,
هل هذا حل مشكلتك او خفف معاناتك؟؟
طبعا لا
نحن ننظر لاي امر من جهه واحده وليس من جميع الاتجاهات
انا باسالك لو انتي اخوك عزمك للافطار ورحتوا لعنده ولقيتوا مرته ما خلصت تحضير فطور وحالتها معتفسه وعيالها حالتهم مبهذله والبيت فوق حدر
وجاء اخوك يكلمها ردت عليه بانفعال وتضايقت وراحت غرفتها
ايش بيكون وجهة نظرك؟؟
بانه زوجته لم تحترم وجودكم ولم تحترم حضوره
نحن بنات هذا المجتمع ونحتاج وقت طويل لتتغير النظره الى مهام الزوجه بانها ليست ملزمه بالطبخ والنفخ والخدمه
يا بنتي بدل الهواش والمناقره اللي بتقصر عمرك وعمره اعيدي حساباتك مع كل شئ
انتي اعترفتي بانك متعبه من الحمل وشكلك دائما مبهذل
طيب ليش؟؟
الحمل نعمه من الله وبكره اولادك بيكونون سند وذخر لك اذا احسنتي تربيتهم
تعاملي مع الامور بحكمه وذكاء وبعيدا عن الانفعال واطلاق الاتهامات
انتي تتهمين زوجك بانه تعرف على بنات..
طيب نحن نعيش في عالم فيه بنات ومجبرين نتعامل مع الجميع
يعني يعيش في جزيره معزوله
هل كل رجل كلم مره ولا قضى لها حاجه وخاصة اذا كان ذلك في مجال عمله معناه بانه يعرف حريم وبانه اخلاقه فيها نظر
لا بنتي كبري عقلك وكبري قلبك لكل شئ
واعتبري بانك عندك معركه تحتاجي تنتصري فيها
اولا :
ولا تزعلين مني انتي او باقي البنات انا لاحظت اولادنا ما نربيهم برطيقه صحيحه
دلع واتكاليه وقلة ضبط وربط
اتذكر معاي زميل كان يضحك لانه ابنه ابو 3 سنوات اذا جاء للروضه فانه يخلع جاكيته ويعلقه ويحط جزمته في مكانها
طبعا هذا بامريكا
الطفل من عمر سنه وهو يعرف معنى لا وايوه وممنوع
ونحن يوصل الى الخمسين وهو ما يعرف
لذلك اولا اضبطي ايقاع بيتك
حاولي بانك تكوني سلسه ومرنه مع اولادك وتعليمنهم النظام والترتيب وبانهم يساعدونك
خليها ليست اوامروانما لعبه يتسلون بها تصبح عاده
يعني من اللي بيشيل المواعين اليوم؟؟
من اللي عليه يلم الملابس الوسخه ؟؟
وزعي المهام مهما كان عمرهم صغير لازم يتعودون النظام والنظافه وبانهم يساعدونك
زوجك راجعي تصرفاتك معاه
تذكري بانك مهما اشتكيتي فان الله مطلع على خبايا الامور
انتي في فترة حمل ومرهقه ومتعبه وممكن تكونين مقصره في حقوقه الزوجيه
ما الومك لكن عوضي هالامر بالهندام النظيف وترتبين نفسك وتبتسمين له
هذا لنفسك وليس له هو فقط
اللي حصل عندما عزم اهله فعلا يضايق ومؤلم لكم جميعا
لكن ليش ما حاولتي ترتبي امورك صح
يعني كان سويتي القهوه والعصيرات
الفطاير المفروض مسويتها من اليوم اللي قبلها
الشوربه كمان كان ممكن تسوينها قبل ما تصلين الفجر وتحطينها في الفريزر والعصر تنزلينها تسخنينها
اذا اهلك ممكن يساعدونك كان ممكن تطلبين من اي من اخواتك بانها تسوي لك بعض الطبخات وانتي يوما ما بتردينها لها
صدقيني اذا عندي عزومه فانا لا اطبخ الا اقل القليل
يعني اكون كل شئ مجهزته قبلها بيومين او 3
مثلا السمبوسه حشيتها وفرزنتها
الشوربه والاطباق الرئيسيه قد قطعت الخضار واللحمه وسويت الكشنه للي تحتاج
الحلويات اسويها قبلها بيوم
فقط نفس اليوم اقلي اللي يحتاج قلي او تحمير
ولو عجزتي اطلبي من مطعم وخليهم يشيلون الهم عنك
مش شرط زوجك يعرف
اطلبي وحطيه في صحون البيت وفكي نفسك من الغثاء
اذا ظروفك الماديه تسمح وزوجك ممكن يتعاون احضري خادمه ولو بالساعات لتخفف عنك الاعباء
زوجك لو اسعدتيه وريحتيه بتضمني بانه ينفذ طلباتك
وزوجك لو ما يحبك ما كان يزعل ويهاوش ويحاول يثير غيرتك
اعرف وحده زوجها ولا بعمره كلمها ولا انتقدها رغم انها مقصره في كل شئ
والسبب جدا بسيط
غسل يده منها وراح تزوج وهي لا تعرف
نصحها كثيرا ودوما كانت حياتهم معارك لا تنتهي لكنه في الاخير طفش واشترى راحة راسه
اعيدي حساباتك مع نفسك ومع بيتك وعيالك وكل شئ
ترى العمر بيمضي ويوما ما بتلاقين بانك صرتي في الاربعين وانتي ما عشتي حياتك ولا استمتعتي بها
الله يوفقك ويسترك في الدنيا والاخره ويهدي زوجك لك ولبيته وعياله
بنات تعبت من تعامل زوجي لي يبين كوفيرة وطباخة في نفس الوقت
متابعة النقاش، صفحة 12