حياتي معقدة
بسم الله الرحمن الرحيم
حبيت افضفض لكم شوي لان ما عندي احد افضفض له او بالاحررى انا ما احب اتكلم عن مشاكلي مع الناسس انا بنت عمري 17 اصغر خواتي السبع مشاكل الدنيا كلها فوق راسي تخيلو كل من يغلط انا اللي اتحاسب علئ الاغلاط خواتي مستانسين في حياتهم بالطول والعرض وطلعات وروحات واي غلط يصدر منهم انا اللي اتحاسب عليه او ينعكس علي تعبت صرت اكرههم ما احب اتكلم معهم صرت بعيده عنهم تحملت مسؤوليتهم لانهم مستهترات صرت انا المسؤولهرعن تصرفات بنات اعمارهم ما بين ال25 و ال20 وهم لا حياه لمن تنادي صاحباتي يحسدوني ع الحياه اللي انا اعيشها بس الناس مالها الا الظاهر يشوفون سيارات خواتي وطلعاتهم والسفرات حسبالهم انا نفسهم لكن انا مو نفسهم انا يقهرني اني احاسب ع كل تصرف يصدر مني مو نفسهم اغلط الغلذه واضربها بالحيط تعبت من كل شي من المشاكل اللي يسببونها لي مشكلتي اني طيبه يجون يقولون احنا سوينا كذا وكذا وانا اقولهم خلاص انا اتصرف ..
احيانا احس اني اكبر من عمري بسنين
احزن لما اشوف البنات اللي قدي كيف مستانسين
احزن لما اشوف بنات عمي
احزن لما اشوف خواتي
لاتقوولون سووي نفسهم لاني حاولت لكن اهلي تعودو اني انا العقل المدبر للمشاكل لاني تحملت شي اكبر من عمري
لاني حرمت نفسي من اشيا كثيره
لانهم حرموني من كل شي صرت مثل جسد لكن بلا روح صرت مثل الشبح قليلة الكلام انطوائيه حتئ بالسوالف استحي اتكلم شخصيتي ماتت مجرد جسد صرت لهم بودي قارد او حيط يعلقون عليه مشاكلهم ابي اقول كافي بس هلاص انا حرمت نفسي من كل شي انتو مو صغار انتو كبار كفايه دلع ومصاخه
استغفرالله الله يعوضني ادعوولي في ظهر الغيب عسئ الله يعوضني ويحقق لي اللي في بالي محتاجه دعواتكم
لاتحرموني منها ..