انقذووووووووني.......بجهز لبنتي ......

لاتشلين هم ..........ولاتعطين الامور اكبر من حجمها صدقيني تو اختى متزوجه
واكتشفت اني كنت شايله هم اكثر من الازم في الاخير صار كل شئ بليله وحده بس كل شئ حلو ومرتب وبسيط....... اهم شئ لا تشترين لها عفش حق دهر ....اشتريلها اغراضها بالحبه والملابس حق شهرين او ثلاث شهور ولا تكثرين....بعدين تكمل على ذوق زوجها وتجدد عشان ماتمل

على فكره اذا بنتك مابعد فصلت فستان انا عندي لها فستان رزه يرفع الراس شوفي الرابط اللي بالتوقيع

مبروووك اختي جلنار والله يتمم لها على خير ويجعلها زواجة الدنيا والآخره وتكون سعيده ومستقره بحياتها ان شالله ويرزقها الذريه الصالحه


شوفي اختي جلنار الرابط اللي عطتج اياه اختي happy wife ان شالله يفيدج
انا توني قريب من تزوجت وان شالله اقدر افيدج

في البدايه لو تيبين ورقه وقلم وتكتبين كل شي محتاجينه


_اولا::تحددين الميزانيه وتقسمينها على اساس ما تتوهجين عقب ______________________________________________

ثانيا:: الملابس من كل شي
يعني ملابس النوم العاديه والخاصه(تعرفين)بس لا تكثرين لان الملابس الخاصه بتغيرها باستمرار لريلها (يعني روبات النوم)
_ملابس عاديه للبيت جلابيات للعصريه وللنهار (الجلابيات بيفيدونها واايد حتى وهي حامل ان شالله)_ملابس تحب تلبسها لريلها على الذوق من كم تنانير لبلايزاللي تحبه
-ملابس داخليه
-شيل وعبي
_الجواتي (الاحذيه)الله يعز مقدارج مب وايد اسود على نعول وجواتي يعني
_شنط
_شلحات (اسود ابيض بيج )

________________________________________________


ثالثا::الاكسسوارات العاديه يعني هي مب دووم بتلبس ذهب الذهب موجود وكم اكسسوار حلوين
_ربطات شعر اللي تشوفينه مناسب


________________________________________________
رابعا:: ثوب العرس::
دام انج قلتي هي ضعيفونه وناعمه يعني يبا لها بحث يعني على حسب يا انكم تفصلون ودورون اكثر عن مكان ما يكون غالي واايد يعني في اكثر عن طريقه
* تفصيل على الذوق وتأجيره بنفس الوقت
*تفصيل وتاخذه
* تأجير
يعني الثوب يباله كم يوم بروحه وتعب شوي
فعرسي تعبت لين ما دورت لان كنت حاطه ميزانيه معينه والحمدلله لقيت محل فصلت فيه على ذوقي وأجرته بنفس الوقت وكان وااااااااااااااااااااايد حلو ومب لاني لبسته امدحه لا الحمدلله بشهادة الجميع وكان تقريبا ب 6000 درهم فقط
_ اكسسوار ثوب العرس
يا انه طلب يا انه جاهز اذا لقيتي حلو وبسعر يستاهل
انا اول شي اشتريت وبالمره ما كنت مقتنعه لان ماعندي وقت والحمدلله سرت مكان وبالصدفه فصلت اكسسوار عرس كامل (خاتمين_وسلسال كبير من الرقبه ونازل منه كرستال ومعضد على الكتف ونازل منه كرستال لين تحت _وشغاب(حلق) يعني هو تفصيل على ذوقج وكان ب 500 درهم بس وخلال يومين خلص

_جوتي العرس مهم يعني اذا هي قصيره يكون مرتفع شوي وكعبه عريض على اساس يشيل وزن الثوب وما تحصل كوارث :42: او تشوف المناسب لجسمها والمفضل يكون عريض مثل ما خبرتج لانه ما يبين وبنفس الوقت ما تخاف انها اطيح

_ملابس العرس الداخليه اللي بتلبسها يوم العرس يعني الجزء العلوي يكون مناسب اذا هي صدرها مش كبير تشتري صدريه مناسبه تكون حمالااتها شفافه عشان ما تبين وهي لابسه الثوب وبعد تشتري حشوات سريه من نعومي تكون مثل الشي الناعم تحطه يوم بتلبس الصدريه وما يطيح يلصق بالصدر
واذا ماشالله عندها صدر تكتفي بصدريه مناسبه وتخلي الثوب يبين حلو

_باقة العروس :: ورد ولا اي شكل وديزاين هي تباه


_____________________________________________________


خامسا ::المكياج
يعني تشتري لها لوازم مكياج تعرفين هي عروس ولازم تتعدل وبيي وقت بتحمل فيه وبتطفر من المكياج فتره :09: مثل:
**بودره ... تعيبني واايد( بودرة جيرلان علبتها ذهبيه) من باريس جاليري في منها درجات ابيض في منها عاديه مع بلاشر حلوه واايد هذي تبين طبيعيdivinora
teint expert cofnort
اللون rose naturel

**روجات (احمر الشفايف) الوان هاديه للنهار للبيت وغامق لليل وما تكثر حاليا

*بلاشر (احمر خدود) يكون لونه هادي على حسب لون بشرتها نفس الشي للنهار فاتح ولليل غامق
او لون يبين

* ماسكارا للرموش ... وحلوة واايد ماسكرة (هلينا روبنشتاين_lash queen) لون الماسكارا من برى ذهبي

*كونسيلر هذا خافي العيوب من make up for ever ويكون تيوب الدرجه رقم 2 مناسب

*جلوسات للشفايف من شانيل في درجه حلوه واايد تقدر تستخدمها بأي وقت اللي هي cristalle gloss
lip gloss brillant levres 15

*وبعد عندج هذا الجلوس من شانيل رقم 63
scintillantes pagoda

* كحل عيون اسود من شانيل واايد حلوووو اسمه
le crayon khol
ntense eye pencil noir chanel
القلم كله لونه اسود وغطاه اسود ومافيه قطن ولا مثل المحايه بنهايته بس قلم
وتعرفين بعد في قلم كحل اسود وااايد رخيص بس وااايد حلو ويخلي العيون حلوه
استخدمه بس مب اي كحل تستخدم هذي عيون

*قلم حواجب بني حلو يرتب من هيلينا روبنشتاين او نينا ريتشي يكون فيه فرشاه بعد بنهايته واايد حلو
اللي عندي هيلينا

**في بعد كريم من شيسيدو لون الكريم ابيض وعلبته تيوب اسود اسمه
shiseido the makeup
makeup cream
base de malquillage
spf15
ومن ورى مكتوب makeup cream basis
يا حبيبتي استخدم هالكريم بدل عن كريم الاساس لاني ما احب كريم الاساس يعطي اضاءه حلوه ويخلي الوجه منور حتى لو سويت نقط بسيطه جدا على الوجه وخليته خمس دقايق وبعدين احط خافي العيوب على العيون او اي مكان فيه بقع بسيطه وبعدين بودره والمكياج هذا على حسب كل وحده شو تحب

* آي شدوو (ظلال العيون)
تحصلين في باريس جليري من makeup for ever
عدة الوان االلي تختارينه على ذوقج
وفي علبة سعرها واايد حلو تحصلينها بعد بالسوق وفيها وااايد الوان حلوه يعني اشتري علبة او اثنين من الماركه صغار والعلبه الكبيرة من السوق

** مزيـــــــــــــل المكياج (( واايد مهم))
من ماركة( لانكوم) لونه ازرق سائل شفاف يزيل مكياج العيون وما يحرق وتحسينه سائل ناعم وفي منه للعيون الحساسه
وتاخذ مزيل مكياج كامل للوجه بعد يكون خفيف وناعم على الوجه

** قطن عشان تزيل المكياج
**وكلنكس الاطفال من بيبي جونسون اللي يمسح المكياج وينظف هذا بعد حلو تشوف اذا يناسبها


__________________________________________________


سادسا::العطوور::
_عطور عربيه
عطور خفيفه على حسب الذوق
_دخون وبخور
_عوود ودهن العود



_____________________________________________________


سابعا::العنايه بالجسم
يعني تلحق بعمرها من الحين وتعتني على قد ما تقدر تعرفين البنات فيهم هيازه واحيانا يكسلون خلها تسوي سوالف العنايه مثل
* كريمات تقشير
*تنظيف ويه
*العنايه بالشعر من زيوت في زيت اسمه (زيت نور السحري ) انا استخدمه من زماان وااايد حلو
وينعم ويطول
*العنايه بالاضافر بشكل عام


_____________________________________________________



ثامنا::التغذيه والراحه حتى لو شي
يعني تاكل عدل وتشرب عصاير فرش



__________________________________________________________


تاسعا:: تودون اغراضها لبيتها
تودون شنطها وملابسها وزهبتها وكل شي يخصها وترتبونه



__________________________________________________________


عاشرا::قبل العرس بفتره بسيطه
طبعا قبل العرس باسبوعين بتكون شبه اغراضها جاهزه يعني انتو لا تأخرون لآخر لحظه لا حاولوا كل فتره تخلصون عشان قبل فتره بسيطه ترتاحون وتجهزون ليوم العرس وهي ترتاح

1)قبل العرس بشهراو ثلاث اسابيع تسوي في البيت حمام مغربي بروحها او انتي سوي لها عادي او كريمات تقشير عندج كريم تقشير واايد حلو من (بودي شوب) يكون ملح وعسل اظني وفيه شي بعد واايد حلو ينظف ويبيض هو بعلبه شفافه ولون الكريم ابيض على بيج حتى تحسين بالملح اللي فيه

2)وقبل العرس باسبوع تسوي تنظيف ويه مناسب لويها واذا ويها حساس قبله باسبوعين بس كريمات وبخار وعند الخشم تنظف

3)قبل العرس بثلاث ايام تسوي حلاوه للجسم وتسوي ظفورها
4)وقبل العرس بيومين او يوم بس يكون بدري يعني من الصبح اذا قبله بيوم تسوي الحنا
5)وقبل العرس بيوم في الليل تجهزون ثوب العرس والطرحه والاكسسوار والجوتي والملابس الداخليه والباقه وكل اللي بتلبسه يوم العرس
6)وتناااااااااااااااااااااااااااااااااااااااااااااااااااااااااااااااااااااااااااااااااااااااااااااااااام



_____________________________________________________



آخر شي:: يوم العرس
تتفق قبله بيوم وتشوفون من بيوديها الصالون ومن بيردها ولازم تكون اختها او وحده من قرايبها او اعز ربيعه لها اذا تقدر تكون متواجده طبعا انتي يمكن تكونين مشغوله واذا ماكنتي مشغوله خلج وياها والمستحسن يكون في وحده بعد وتم وياها بالصالون او اذا بتيي اللي بتمكيجها للبيت
وعقب تلبسونها الفستان ولازم لالالالالالالالالالالالالالالالالالالالالالالازم ركزي على هالشي لانج امها انها تاكل قبل العرس يعني قبل ما تسير القاعه
اذا راحت الصالون تروح من وقت وتكون طبعا ماخذه شاور(متسبحه)وتاخذ شنطه تحط فيها ملابس داخليه اذا احتاجت واذا بتبدل هناك ومزيل العرق وعطر خفيييف واايد واي شي تاكله اي شي ( بسكوت_ عصير كيك سندويش) لان صدقيني بتجوووووووووووع وهي في القاعه
وعقب ما تخلص تلبسونها وترتاح تيلس وتريح لييين ما اللي يابها يوديها القاعه

_______________________________________________________




الملاحظاات يا اختي جلناااار:::

1) تشوفون كيف بتختارون ديكور او اثاث بيتها وكيف تتفقون على هالشي وانتو تعرفون شو اتفقتوا
اذا هي تحب تختار الالوان والاثاث وتسيرون معاها او المعرس يختار
2)قبل العرس بشهر تتصل على الصالون وتحجز موعد عشان المكياج (اسألوا اكثر عن حد اي وحده تسوي مكياج عدل ويمدحونها لان هالشي مهم)
3)تروح على الأقل مرتين تسوي بروفه على الفستان عشان تشوف اذا واسع ضيج طويل وياليت يكون الموعد الثاني قبل العرس بفتره بسيطه جدا عشان اذا ضعفت ولا متنت يكون عندهم وقت يعدلونه واذا طويل يخلون طوله مناسب عشان ما تتخرطف واطيح ان شالله ربنا يسلمها من كل شر
4)تحجز موعد مع وحده تسويلها حنه ان كان في البيت او الصالون على حسب ما تبون
5)تتفقون انتو والمعرس من المصوره اللي بتصور العرس وشو مميزاتهم لازم تعرفون يكون عندكم علم بهالامور عشان ما يطلع التصوير اي شي
6)تجهزون روبة النوم او لبس النوم الخاص فيها بيوم العرس وتبخرونه وتعطرونه وتجهزونه بحجرتها ااو اذا كان بفندق تجهزون شنطه صغيره فيها سوالفها مثل(روبة نوم العرس وروبة ثانيه _ولبس عادي لثاني يوم اذا بيتمون يوم او يومين على حسب وملابس داخليه _وعطر_ ومزيل عرق _
ومكياج بسيط ومشط وقطن ومزيل مكياج )
واذا في البيت كل شي بيكون جاهز
7)تشوفون كيف بترتبون امور القاعه من::
_ عدد المعازيم
_والأكل
_وترتيب الكوشه على حسب ذوق العروس او اختيار مشترك
_الاضاءه مهمه للتصوير
_ الكرسي اللي بتيلس فيه العروس هي والمعرس

8)طبعا تخلصون امورج انتي وبناتج الباقيين من تفصيل وتجهيز قبل العروس عشان تفضون لها

______________________________________________________

الله يوفجها اختي جلنار ويسعدها
وان شالله ما اكون كثرت عليكم وطفرت بكم بس حبيت اني اوضح الصوره بشكل عام واسوي لكم نعنشه لكل هالسوالف وادعوا لي الله يسهل علي الحمل

واذا تبين تسأليييييييييين اي شي انا حاضره ولا تستحين

ألف مبروك على الزواج

""بارك الله لهما وعليهما وجمع بينهما على خير "

ماحبيت أطلع من الموضوع من غير ما على الأقل ابارك