تعالوا يا معلمات بغيتكم بشغله .....

السلام عليكم ورحمة الله وبركاته

شلونكم يا بنات؟؟

حبيت استشيركم بشغلة

طرحت من قبل موضوع عمل مشروع صغير لي وهو عمل برامج يمكن يستفيدون منه المعلمات بالفصل للشرح ،، خصوصا لطلبة الإبتدائي بحيث يكون يحتوي على صور واصوات وتأثيرات يعني عرض تقديمي ببرنامج الpower point مثلا

او مثلا عمل برنامج صغير لاختبار قصير مثلا يوضع فيه اسئلة ويقوم بتجميع الدرجات

وغيرها من الأفكار

بس حبيت اني اسئلكم واستشيركم هل هذا الشيء ممكن يكون مرغوب في مجتمع المعلمات وممكن الاقي اقبال عليه

4 تعليق 889 مشاهدة

شاركي في النقاش

سجلي الدخول لإضافة تعليق.

التعليقات

4
  1. @mokatshyno

    هلابك اختي
    فكرتك مره حلوة
    لكن هالسنه فيه شي جديد اسمه
    مصادر تعلم
    وهي غرفة في كل مدرسة يكون فيها كل الأجهزة ومعلمة مسئولة
    تسوي للمعلمات العروض والحركات هذي
    لكن ما اتوقع ان هالغرفة بتنتشر في كل المدارس
    لأن يبي لها امكانات

    والمعلمات قليل الي يستخدمون الكمبيوتر دائما في الشرح
    والي تستخدمه دائما تلاقينها تعرف تسوي العروض
    او زميلتها تسوي لها

    اغلب المعلمات يستخدمونه في حالة اذا عندها درس نموذجي بس

    يمكن يا اختي يستفيدون منك اكثر بنات الجامعه
    لأنهم احيانا مايصير عندهم وقت
    وهذا راأيي
    الله يوفقك
  2. @isabeli

    صاحبة الموضوع
    السلام عليكم ورحمة الله وبركاته

    مشكووووووووره اختي موكاتشينو على الرد والإيضاح

    انا مستعدة ابدأ كهواية لبنات حوا يعني من غير اجر ،، لحد ما اسوي لي موقع وتكون عندي مجموعه اقدر اعرضها

    ها شرايكم بنات عطوني حطولي افكاركم لحد ما ارجع من السفر

    تراني حدي متحمسه :42:
  3. @allh_yrzk_algmyaa

    والله فكرة ممتازة أنا مع موكاتشينو أن بعض المعلمات يعرفون يسون هذي العروض لكن يبغالها وقت...
    والواحد فاضي يحضر ولا يجهز عروض ....انا عن نفسي احيانا اسويها لما اكون رايقه والغالبا اخذها من النت واللي في النت دايما تكون نسخ للي في الكتاب يعني ما تحسين فيها ابداع او حتى حركات بسيطه رسوم معبرة مثلا ...

    والله اذا كنتي يا Isabeli عندك حركات وممكن تضيفين لمسات شي جميل جداًً
    وأنا اول المشجعين وبقوووووووووووووووووووووة ...

تابعي تجارب أخرى من هذا القسم.