شوفي أنا شعري لين نسف ظهري و يميل للكثافة و مع هذا ما أتعب من الحنا.
أول شي أجاوب سؤالك عن الشطف و بعدين أقول لك طريقتي في العجن.
لما تيجي تشطفي شعرك من الحنا استعملي ماء فقط بالأول لغاية ما تحسي إنه ما باقي في بقايا بودرة الحنا في شعرك، هو أكيد حيكون في، بس ما تحسي فيها
لما توصلي للمرحلة هادي من الشطف أعصري شعرك كويس و بعدين حطي بلسم على شعرك بكثافة و بعدين مشطيه بمشط أسنانه عريضة لغاية ما يتسلك كويس، و بعدين شطفيه بالماء و ساعتها حتحسي إنه كل الحنا راحت تماما.
أنا من سنتين كان شعري كمان أطول و برضه بالطريقة هادي ما أتعب من تغسيل الحنا.
أنا عشان ما أحب الحنايكون لونها يكون غامق كتير أعحنها بشاي بابونج و ورد مجفف و أتركها تتخمر في الليل. يعني لو تحبيها أغمق ممكن تخلطي بأنواع تانية من الشاي.
قبل ما أحطها في شعري أضيف عسل، العسل ممتاز يخلي الحنا متماسكة وناعمة و ما تتكبكب منك وإنتي بتحطي و عند الشطف ينزل الحنا من شعرك أسرع. أضيف كمان شوي زيت زيتون و كم ملعقة زنجبيل مطحون، الزنجبيل يكسر ريحة الحنا بشكل كبير. أمزجهم كويس و بعدين أحطه في شعري.
لما تحطي الحنا مشطي شعرك الأول و قسميه كأنك حتعملي تسريحة أو قص التقسيمة اللي هي ستة أقسام، و حطي الحنا و رتبي شعرك بالطريقة اللي تريحك عشان لا تحسي بثقل.
إضافة العسل أفادتني كتير مع الحنا في حطها و شطفها أما زيت الزيتون لو حسيتي إنه ما تحتاجيه إلغيه.
إن شالله تستفيدي
(طريقتكم في تنظيف الحنه من الشعر )
متابعة النقاش، صفحة 4