كيف تتركي منزلك قبل خروجك !!!كوني صريحة

الحمدالله لقيت ناس موسوسين مثلي انا الصراحه اتعذب اذا شفت قطعة ورقه على الارض ومااحب اطلع الا والبيت مرتب واحيان ابخر وانا طالعه 000وزوجي مسميني الموسوسه000000000

السلام عليكم
صراحه موضوع ممتاز
بلنسبه لي( قبل ماتجي شغالتي) الحمد الله ماطلع الا وبيتي مرتب والسبب اني انظم وقتي يعني اذا عندي طلعه اجهز اغراض العيال وابوهم واغراضي وارتب البيت والبس العيال وطبعا" كاست الشاي ل :arb: وعيالي اشغلهم بافلام الكرتون وفي هذا الوقت البس واكشخ وانا مرتاحه واكيد ما اطلع الا مشغله معطر الجو من ايرويك بخاخ ويشتغل على البطاريات رهيب ويخلي ريحت البيت جنان :26: اما الطلعات المفاجئه :eek: ماينحاس عندي في البيت غير غرفة الاولاد وهم يرتبونها وغرفة المعيشه وانا ارتبها وبكذا يبقى البيت مرتب :) انا عارفه اني غثيتكم :09: بس بغيت اقولكم طريقتي 0

موضوع روعة تشكرين عليه..

السلام عليكم ورحمة الله
ما راح أطلع روحي مرة سنعة وأقول لكم أن البيت دائما مرتب ومنظم كنه مستشفى بصراحه لمن أطلع فالبيت يضرب يلقب على قولتهم أحيانا وليس دائما مو كل البيت بس غرفة النوم لأني أبدل لعيالي في غرفتي النوم مع العلم اني ساكنه مع حمولتي اللي يعاملوني كني بعير أجرب ، فاذا بقيت أطلع لأزم ولدي الصغير يسويلة سالفة مجرد أني أبدله يا يروح الحمام تكرمون ويبلل نفسة أو يفتح الثلاجة ويشرب حليب كاكاو ويتلف ملابسة أو يلون أيدينه ووجه المهم يخترع ألف طريقة ما تتوقعينه ترا عمره سنة وعشر أشهر والثاني عمره 6 أشهر هذا يصرخ والثاني يرد عليه فلمن أبي أطلع تقوم القيامة في بيتي وأحس أني مثل المجنونه ومحد يساعدك طبعا وسى السيد يطالع مباره واذا مافي مبارة بكل قنوات العالم يصويله مبارة المهم أني أخلص بسرعة لحقت وكان عندي وقت رتبت دراي قبل الخروج ما لحقت نطرت الساحرة اللي طلعت لسندريلا علشان تساعدني ، ليش بس تطلعم وليش ما تطلعلنا هو أحنا عيال سبعة

يا عمري والله ضحكتيني من قلب
أسلوبج ايهبل
عموماً الله يعطيج العافية ويعينج على تربية الأطفال

وبالنسبة لي أنا عندي طفلين واحد بو سنتين
والثاني بو عشر شهور
بس الحمدلله ما أحب أطلع إلا والبيت نظيف
والغرف مرتبين ومعطرين
والزبالة لازم أطلعها برا البيت قبل ما أطلع (طبع فيني)
ويسموني الأم المثالية لأني ما أنسى أي شي ودايماً مرتبة نفسي
وعيالي مرتبين والبيت نظيف ومسنع