هدايا الاطفال بالعيد شاركينا بأفكارك

انا جبت اكياس صغيره اوراكنزا 3 الوان احمر ازرق وردي اﻻزرق لاوﻻد والوردي للبنات واﻻحمر للكبارعمال النظافه او البنات الكبار وحطيت في اﻻزرق 3 حﻻوه ورياﻻت ولعبه صغيره سيارة وبلونه زرقاء وبس والوردي نفس اﻻشياءبدال السياره مرايه حلو شكلها عليها رسومات لﻻطفال والكبار فكرت جيب لهم عطور صغيره و5 ريال مع الحﻻوة وبس
وكل عام وانتم بخير

امس رتبت حلاوة العيد لاطفال الاقارب و لاطفال مصلى العيد
اخذت اكياس بلاستيك صغيرة مزخرفه وحطيت فيها حلاو وبسكويت وعلك وحلاو مصاص ومبلغ مالي بسيط
وان شالله بخلي عيالي يوزعونها بالمصلى ع الاطفال
وانا بوزع ع اطفال العايله عشان كلهم يجون يسلمون علي ويبوسوني ههههههههههه
طبعا مانسيت شغالة اهلي وشغالة اخوي حسبتهم بالاكياس بالاضافة الى بطاقة شحن عشان يكلمون اهاليهم ويعيدون عليهم
الله يكتب لنا الاجر وعساكم من عواده

ماشاء الله أفكاركم مررره حلوه
لفت انتباهي شي أعجبني وهو إن التوزيعات مو مقتصره عالأطفال
يعني بعضكم ذكرت الشغالات والبعض عمال النظافه
وهالشي يدخل الفرح على قلوبهم

عندي ملاحظتين وياليت تتقبلونها بصدر رحب
سواء اللي جهزت التوزيعات بنفسها أو اللي اشترتها جاهزه
١/ انتبهوا لتاريخ الحلويات أو البسكويت أو أي شي تحطينه بالذات اللي يشترون التوزيعات جاهزه وكمان حطي شي مفيد للطفل
٢/ البالونات اعتبرها خطيره فياليت تستغنوا عنها وبالنسبه للي تشتري توزيعات جاهزه أحياناً يحطوا ألعاب قطعها صغيره أو بداخلها حلويات صغيره
هالأشياء ماتنفع للأطفال الصغار