هل تغارين على زوجك لما تسافرون بره

سوال لصاحبة الموضوع وين بتسافرين وانا بقولك اذا فيهه البلاد جمال او لا   خخخخخخخخ خبرة

انا بروح دبي 
وعاد دبي تعالي شوفي  من كل جنس ولون 
ولاعمري عطيت زوجي اي اهتمام 
تدري ورب الكون  اني صادقه وبتقولون مهبوله هههههه 
مره كنا بمطار دبي  كنا راجعين من رحله دوليه 
وعاد رحنا بنجلس  عند بوابة رحلتنا الي عالرياض 
قالي زوجي انا بروح غرف المدخنين وانتي روحي عند بوابه 35  وانا نسيت رحت عند بوابه 53 عكست الرقم ههههه
عاد طلعت البوابه  حق رحله الى طهران 
والله ايرانيين يجنننوون   
عاد دق علي زوجي خلص تدخين قال انتي وين 
قلت له انا عند 53 قال لا غلط  حقنا 35 
قلت تعال بس تفرج سبحان الي خلق ههههههه 
قال وشو  
قلت تعال وبس 
والله جاء وجلس قلت له تأمل معاي  الجمال الحقيقي 
قعد يضحك علي ههههه قال  فيه حرمه عاقله تقول لزوجها تعال شوف   حريم حلويين ..
الى الحين يعايرني 
بس والله اعترف لي  قالي صراحه لما اسافر معاك احسك عاقله ورزينه  ماعمرك سببتي لنا مشاكل من ناحية الغيره وكذا 
قلت له والله ماغارر ابد لاني واثقه بنفسي الحمدلله 
وفعلاا يابنات الوحده  ليه تغار ادا كانت اغلب المواصفات الي يبغاها زوجها موجوده فيها؟
وبعدين الغيره  تكبر راس الرجل  وتخليه يعاندك بحركاته

:icon28::icon28::icon28:
ارجوووووووووووووكي ارجووووووووووكي
لاتسوي سواياي سافرت امريكا ومن الغيره(مع اني ماكنت أغار ) قلبت الدنييا وكل شوي
أقوله لا تطالع والله حرااااام غض بصرك(خببببله وش تقولين)
طبعا مو كل شوي :26: هععععع
والله احسة صار يعااااااااااااند
طبعا هو يطالع يقول طيب قدامي ايش اسوي
وانا امووووووووووووت ودي اتسدح قدامه وابكي مثل الصغار اللي يتسدحو بالأرض خخخخخخ
بس كمان ما ألومه هو غيران بعد لأنه بعد مابين غيرته (والسبب أنا) والله أعترف إسجنونيييييييي
قمت اتصيد المواقف له
لدرجة مره وراني برودكاست اللي فيه عن بنات كشمير وان مهرهم 600 وخلا ام ركب سود تنفعها ركبها
من زود العقل اللي فيني هجمت عليه وقلت بكل بروووووووووود اذا الحريم حلوييين اجل من فين يجون الرجال
تفاجأ وراح الغرفة الثانيه
هعععععععععععع شفتو اني مره سنعه

والحين توووووووووووبه ماعاد أتكلم أهم نفسي نفسي وبتتعودين ع المناظر ويصير شي عادي
الله يهديني كنت تمام وبعدين قلبت الامور الحمدلله وانا عقلت:) :):)
عاااااااااااااادي خلي الامور سيمبل ونفسيتك ريلاكس

الله من الذنوب
اهم شي وناستكم ونستوا ان الله مطلع عليكم وبيحاسبكم على النظرة والكلمة

الرسول عليه الصلاة والسلام يقول انا بريء من كل مسلم يبيت بين ظهراني المشركين

وانتم تروحون تتمشون وتناظرون اجسام عارية ونظر محرم بدعوى الوناسة

اذا انتي عارفة ان زوجك بيناظر وبيكسب اثم انتي ترى لك نصيب من الاثم مثله لانك شجعتيه على السفر او طلبتيه منه

والسعاده والله ماهي في السفر المحرم
السعادة في طاعة الله وطلب رضاه ولو كنتي في قعر بيتك

كثير يسافرون ويرجعون متنكدين ويتهاوشون وممكن يتطلقون بعد!!

والله اذا السوق فيه مناظر محرمة ماروح مع زوجي لاني اخاف عليه من الاثم وليس من اجل الغيرة فقط
واللي ما يغار يقول المثل حمااااا......

اولا ما اروح لأماكن مشبوهه ههههههه 
يعني من اعرف المكان الفلاني فيه تكشف اكثر من اللازم اتركه  لرواده 😝 جايين نغير جو ماجينا 
نزيد أثم مو ناقصين 
اما اني اغار من وحده كاشفه وكلن يشوفها 
لاابدا ماهمتني لانها ما احترمت نفسها
اغار من المتنقبات اللي حاطه الكحل كانها بتروح زواج والعطر الي اخر المحل مرات تصير 
اكون مع اخوي اطلعه برا المحل باي عذر 
لانها فتنه ولو تكشف متاكده انها  ماتجي 
ربع جمالها بنقاب اواللثام 😂 الله يهديهم .