طفح جلدي على جسم بنتي الله يسعدكم طمنوني مرة خايفة

السلام عليكم و رحمة الله وبركاته

يا اخواتي افيدوني بنتي عمرها 3 سنوات ونص تقريبا
نامت ولمن صحيت جلدها منثور عليه حمااااار شديد ومكانو حرارة فجأة كدا من دون مقدمات
والله موزع زي المنسوخ في الخدين والفخدين و الاذنين نففففففس الشكل مطبوع في المكانين
حطيتلها ثلج وموية ورد باردة و نشاء
وخف شوية واطمنت ودوبني ارجع اشيك عليها وهي نايمة الاقي جسمها حااااااار مو بس مكان الحمار كللللل جسمها زي السخونة
وكفوف يدها منفوخة و محمرة وصحيتها عشان اعطيها خافض و قعدت تبكي تقول يا ماما يدي تعورني
يا بنات زوجي حاليا مو موجود ايش احطلها شيء مؤقت للظهر الين نروح المستشفى
وفي احد مر عليه الشيء دا تهديني شوية والله قلبي حيوقف عليها من الرعبة 

11 تعليق 16,280 مشاهدة

شاركي في النقاش

سجلي الدخول لإضافة تعليق.

التعليقات

11
  1. B-R-H
    الله يشفيها يارب
    الله يخليها لك...بس المفروض تودينها للمستشفى احتمال تكون حرارة مرتفعه والاحمرار من الحرارة...كمديها في اباطها وبطن رجولها..بمويه بارده وطفي المكيف لا يجيها براد

    شوفي ااخلطي خل في بياله نصف البياله مع كاس مويه ورشي فيها اليافوخ..قمة الراس...وعطيها خافض...واجلسي جنبها لين.ربي يفرجها وتوديها للمستشفى بنتك شكلها حراره..


    ماتشوف شر ربي يحفظها
  2. @om_tamara

    صاحبة الموضوع
    الله يسعدكم اخواتي
    دانة العناقر انا احس الحرارة جايه بسبب الطفح الجلدي
    شكلوا غريب زي الحبوب الحمراء كبيرة وقراب من بعض لمن تشوفيها من بعيد كأنها بقعة وحدة كبييييييرة
    تحسي شكل الحبوب زي قرصات الناموس بس اكبر وحجم كفوف يدها الضعف وحاااارة
    ياربي احفظها من كل شر والله راسي صدع من البكاء والخوف

تابعي تجارب أخرى من هذا القسم.