شاركي في النقاش

سجلي الدخول لإضافة تعليق.

التعليقات

2,011

  1. @aayon_alord_1

    السلام عليكم

    اشحالكم

    فتاة الامارات
    تروحين وتردين بالسلامه
    انا الاجازه شكلي بقضيها في البيت


    دلوعه كيفي
    سلامتج حبيبي وماتشوفين شر

    نونو_صغيره
    حبوبه تحصلين طلبج في لاسنزا بس مب لوشن زيت

    ريشه فنان
    مبرووووووووك عليكم ودامت دياركم عامره بالافراح


    بنت دار زايد
    خلاص سافرت اكيد ممم بنفتقدها وايد

    المتكدره
    ماشاءالله علييج حامل ربي يحفظج
    ويقومج بالسلامه

    دلوله البحرين
    بتفلسف علييج بس هاا موو تزعلين منى عسب انا اتفلسف ومب معرسه
    انا براييي ان الحرمه تشاور ريلها في كل شي
    بسس مرات الريل يقول لأ على كل صغيره وكبيره
    يعني يخااف من التغيير ولكن بعد فتره يرضى ودام انج صبغتي فهو يحس انج متغيره شكلا علييه يعني
    اتفاجأ فييج وممكن هالتغير يعجبه وممكن لأ بس انتي خليج على ماانتي
    لأن بعد فتره بيتعود علييج وبالعكس ممكن يشجعج دوم عالتغيير
    ولا تنسين ان الوحده تسوي هالتغيير لأن هي تبي تفنن جدام ريلها
    بس كل شي شوي شوي
    بخصوص الذوق ممكن تتفاهمين وياه على هالنقطه يعني خذي
    على ذووقه وبالعكس قولي له ذوقك حلوو ويجنن وعساني ماانحرم منك
    وانتي بهالطريقه تحببينه فيج يعني تكسبينه في صفج
    ومرات خلييه ياخذ على ذوقج بس بالتفاهم يعني ممكن تقولين له جربها
    وعلى ضمانتي بطريقه حماسيه بس بدون ما تحسسين الطرف الثاني ان
    ذوقه مب شي
    يعني شوي شوي بتحصلين ذوقه نفسج ولو ما عيبه ذوقج بيخفف الانتقاد
    لان ممكن يعيبه عقب
    حتى اهل ريلج مرات البسي دراعه خخخخخ هاللي تكرهينها بس البسي دراعه
    تناسب ذوقج خخخخخ ويبي هدايا لامه درارريع لان ام الريل حساسه شوي

    دريم جيرلز
    حبيبتي تتوفر عندج الحنه اليمنيه شفت وحده في ملف بنات العين تسأل
    فقلت انا شايفه عندج موضوع بس الحين اشوف انه العسل اسمحي لي العتب عالذاكره خخ

  2. @dreams_girl

    عيون_الورد
    السلام عليكم اشحالكم فتاة الامارات تروحين وتردين بالسلامه انا الاجازه شكلي بقضيها في البيت دلوعه كيفي سلامتج حبيبي وماتشوفين شر نونو_صغيره حبوبه تحصلين طلبج في لاسنزا بس مب لوشن زيت ريشه فنان مبرووووووووك عليكم ودامت دياركم …
    اهلين الغاليه شحاالج عساج ابخيير يااربيه وشو الاجازه :22:

    والله انا نفس حالتج ملاانه بس توني هالاسبوع اشتركت في دوره والحمد الله احس الوقت يمر

    اختي لو اهي حابه الحنا اليمنيه ممكن اوفرلهاا اذا انا وفرت العسل اليمني الاصلي ما بوفر الحنا ! خخخ

    ساليها حبيبتي كم تبا وانا تحت امرها :)

  3. @mry_omh

    السلام عليكم ..

    اشحالكن خواتي ؟؟ عساكن بخير >>> دشي في الموضووع سيده خخخخ

    الله يسلمكن .. وحده من الاهل تبيع ويل هندي ( شارتنه من الهند ) والقطعه على 50 درهم ..وفي كل الالوان .. اللي حابه تتواصل ويا الحرمه تراسلني على الخاص وبطرش لها الرقم وعلى فكره ترا الحرمه عندكم في بوظبي ..
    ومرحبا الساع ..

  4. @bnt_dar_zayed

    مرحباااااااااابكن يالغاليااات ..

    بعدنييييييي ماسفرت .. ان شاء الله يوم الاثنين اليااااي بسافر مب هالاثنين ..

    الغالية تنيل .. بالنسبة لجامعة بوظبي .. هذا موقعهم على النترنت

    http://www.adu.ac.ae/

    اممم بالنسبة لكلية الامارات .. اعتقد انه عندهم تخصص لغة انجليزية .. واختي اذا حابة تدرسين انجليزي مب شرط يكون عندج امتياز ..

    وعن جامعة بوظبي .. الفرق بينهم نه جامعة بوظبي تقدرين تحصلين فيهاا على شهادة البكلريوس .. بس كلية الامارات اعتقد بس تقدر تحصلين على شهادة الدبلوم او الدبلوم العالي..
    هذا الي اعرفه .. وبالنسبة للتخصصات .. ف اختاري التخصص الي انتي ترتاحينله اكثر والي عاجبنج .. يعني اختاري تخصص يتعلق بالكمبيوتر .. وطبعا فيه كثير ..
    بالنسبة للتدريس ف ما اعرف الصراحة الفرق بين كلية الامارات وجامعة بوظبي..

    بس اذا بغيتي الفرق بين تدريس جامعة زايد والكلية .. طبعا في التدريس افضل بوااايد عن جامعة بوظبي .. لانها جامعة خاصة ويتساهلون واايد في التدريس..
    هذا الي اعرفه من تجارب صديقاتي ..

    انتي اهم شيء انج تسيرين عندهم .. واتشوفين تخصصاتهم والمعلومات الثانية ..

    وان شاء الله مابيصير الا الخير

  5. @dreams_girl

    المشاركة المقتبسة غير متاحة.

    هلاا حبيبتي .. شوفي الغاليه ...... بالنسبه لـ كليه الامارات للتكنولوجياا ترا مافيها تخصص لغه انجليزيه .. فيها تخصصين بس .. اللي هو تخصص ادارة اعمال وتخصص نظم المعلومات فقط .. طبعا كله دبلوم ماشي دبلوم عالي .... والدراسه فيها سنتين ...وهذا موقعهم ع النت ...www.ectuae.com

    وبالنسبه لـجامعه بوظبي ..... فيها وايد تخصصات .. ومن بينهم تخصص اللغه الانجليزيه .. والدراسه فيها مده 4 سنوات وكل سنه تدفعين عليها 20.500 درهم ( عشرين الف وخمسمئه ) وشهادتها بكاليريوس ...

    واي سؤال انا حاضره حبيبتي لان عندي كتيب عن جامعات الدوله كلها الخاصه والحكومه :22:

تابعي تجارب أخرى من هذا القسم.