{ و عليكم السلام و رحمة الله و بركاته }
أخباركن ؟ إن شاء الله بخير و سعادة *
ما شاء الله تجمــع جميل و تفاعل
أجمل () الله يسعدكن ..
يشرفني و الله إنظمامي معكم :heart:
أنا بلقيس < طبعاً مستعار =)
عمري . 15 . رايحه لأولى ثانوي
أكيد عام إن شاء الله .
مــن / القصيــم ♡
راح أبدأ بالنصائح < ما عندها وقت :icon20:
نصييحه من قلب قالتها لي أختي
تقول : أولى ثانوي لا تضيعينها باللعب
لأنها مهمه .
و صادقه لأنها موادها ثقيله و كثيره
و ما تعودنا عليها حنا بنات المتوسطه :icon33:
* لازم ندرس أول بأول و عن نفسي أحب أحل
الواجبات بوقتهاا يعني لما تطلع الأستاذة من الفصل
أحل الواجب إذا كان سهل ، أما صعب بالشنطه ،
و بعد عشان الله يوفقناا ما ناخذ حل الواجب من
الزميلات لأن هذا ما يجووز و يعتبر غــش ! و يا كثر البنات
اللحين ياخذون من زميلاتهن الله يهديهن ()
إي و بعد لازم يكون كامل دفترك و كتبك عشان
ما تتوهقين بالإختبارات ، و مهمممم و مهممم
جدّاً تنظيم الوقت يعني سوي لك جدول أو نظام
يناسبك عشان ترتاحين لأن لو صار فوضى
تعب عليك .
و بمناسبه إنك كيف تكونين محبوبه ، أهم شي
ترضين الله و تسوين واجباتك الدينيه بوقتها
و ماتهملينها عشان الله يساعدك و يحبك و بكذا
يحبونك الناس ، و بر الوالدين لأن البنت الباره
طيبه و حنونه ، و تبتعدين عن الغيبـه بخلق الله
لأن هذا ماراح ينفعك و تصير جلستك ممله
و الكذب ما تكذبين أبد لو وش صار ، و دائماً
تهتمين بزميلاتك إذا غابت تسألين و إذا مرضت
تتطمنين و إذا أحد طلب المساعده تساعدينه
إذا قدرتي و دائماً كووني مسالمه إبعدي عن
المشاكل ،
و كوني مثقفه ثقافه عاليه مو ثقافه
موضه و مسلسلات و هالخراابيط ، عشان اللي
يقعد عندك يستفيد منك و ما يصير راسه مصدّع
و خلي نبرة صوتك متوسطه لا هي عاليه و لا
واطيه عشان ما تزعجينهم ..
و أهم شييي أهم شييي أهم شيي
{ النظافـــة } إي و الله النظافه :(
حافظي على نظافتك و نظافة ملابسك و أسنانك
و شعرك عشان اللي يجلس عندك يرتاح مو ينصرع #_#
و يكون دايم ستايلك مرتب و ناعم ()
* و هذا اللي يحضرني من نصايح =)
و أتمنى أستفدتوا مني يا عسولات ..
و يكون حضوري خفيف مو ثقيل عليكن ()
- لي عوده مع الأسئله بالرد الثاني :$
تجمع طآلبآتَ الثآنوي َ 1434 هـ /1435 هـ
متابعة النقاش، صفحة 56