تقدم لي متزوج ساعدوني أتخذ قرار

السلام عليكم أخواتي
كل عام وانتم بخير ..عيدكم مبارك

أنا في حيرة من أمري أبي أحد يساعدني
::أنا مطلقة وعمري25 تعليمي عالي تقدم لي رجل عمره31 متزوج وعنده أطفال, وظيفته ممتازة, وملتحي, وسمعت أنه بالعشر كان معتكف بالحرم

موافق على كل شروطي وبيكون لي بيت خاص
بس أنا خايفة
استخرررررت كثير كثيير
ساعات احس براحة وساعات كثير احس بضيق
ماقدرت اوصل لقرار
لما شفت اني ماهقدر اتخذ قرار
اتصلت بمستشار اسري واستشرته وشرحت له كل وضعي
قال لي في هالزواج انتي هتكوني خسرانة لانه يبي يتمتع فيك بس
وبهالزواج في ظلم للاولى وفي اهانه لها
فقلت له انا ما احب الظلم ولا ارضاه
قال لي لان ماعنده عذر للزواج انا هقولك لا توافقي لانك هتخسري
بالبداية اقتنعت تماما
لكن اليوم رجعت افكر
قلت حتى انا بتمتع فيه وبيكون لي بيت وهستقل عن اهلي اللي متعبيني نفسيا خصوصا بموضوع الزواج
وقلت لنفسي ليه اراعي مشاعر الاولى واضيع فرصة علي زي كذا
اذا ما تزوجني بيتزوج غيري ماهيوقف عندي
وانا بما اني ما احب الظلم ما هظلمها ابدا ولا في نيتي معاداة او كره
كل اللي ابيه اني اعيش مثل الناس بسلام
..
هالموضوع تعبني نفسيا ساعدوني ارجوكم
اوافق او لا : (

الأفكار تآخذني مرة هنا ومرة هناك :44:

60 تعليق 18,162 مشاهدة

شاركي في النقاش

سجلي الدخول لإضافة تعليق.

التعليقات

56
  1. والله ياقلبي انا ادري كل شي نصيب وقادر ربي يرزقك باعزب لكن منطقياً حتى المتزوج صار يدور بنت ماتزوجت وانتي مطلقة وهالشي مو عيب ولا حرام ولاتقليل من قدرك لكن نصيبك وانا اقول شوفي مواصفاته من كل النواحي لو مناسب توكلي على الله والزواج من معدد مو حرام ولا عيب الحرام انك تجلسين محرومة من نعمة الاطفال والاستقرار والحين اغلب البنات يوافقون على المتزوج المقتدر ولاتاخذ واحد اعزب يبدا حياته بديون وقروض وتجي تتشكى بالمنتدى بكرة عيد وعيوني منفخة من البكي وماشريت للعيد ومدري ايش اولى الناس نفسك فكري بنفسك وراحتك بدون ماتظلمين احد وزواجك ياقلبي مو ظلم للاولى ابد لانه شرع الله ومالله بظلام للعبيد الظلم يصير من الرجال نفسه ومن الثانية اذا دخلت وناوية شر اما انتي كفي خيرك وشرك وتوكلي على ربي واستخيري واذا مقتنعة توكلي على ربي لاتعتبرينه زواجه عائق والله يكتب لك الخيرة الصالحة
  2. @choclet_chipes

    توك صغيره عمرك 25 وش لك بوجع الراس صدق ماراح توقف عندك اذاالرجال يبي يعرس بس انتي لاتظنين ان العيشه معه جنه ويمكن هو بس بيجرب ويتسلى ويخليك بعدين اغلب الرجال مالهم اصلا اعذار بس تطق براسه من زود الفسق
    المهم انتي عندك استعداد تشاركين حياتك مع وحده ثانيه هي وعياله ولاتنسين سالفة الغير بينك وبينه عندك صبر على هالشي يعني فكري بنفسك واستخيري بس لو انا منك ادور وظيفه قبل العرس الزواج وهمومه

  3. @mdry_osh_aby

    المستشار هذا ماعنده سالفه ابد
    والا مافي عاقل يقول عن شرع الله انه اهانه وظلم للاولى

    ارمي كلامه ورا ظهرك لان واضح ماعنده سالفه
    الان ركزي على نقطتين بقرارك وانا اشوف انها مهمه كثييير للي بتكون زوجة ثانيه
    ١- الزواج معلن وبمعرفة اهله كلهم بما فيهم زوجتة
    ٢- انه مايكون على خلاف مع زوجتة حاليا ويبي يأدبها فيك

    ولا تغترين بموضوع التدين لان فيه كثير متدينين و طايحين بزواجات بالسر و يظلمون الثانيه
    وكثير قصص مرت علي كذا تشتكي منه وبالاخير تقول مع انه متدين وملتحي

    ونصيحه اخيرة انتي استخيري ووكلي امرك لله
    وماعليك من ترددك بعد الاستخارة لان الله بيسر لك اللي فيه خير لك ان شاء الله
  4. @am_hmody_quot

    حبيتي الغيرة تكون معدومه او شبه معدومه عندك حطي عندها مليووون خط عشان تتقبلين انه يشاركة وحده غيرك في كل شئ
    ونصيحة لله لاتاخذينه لانك بتتعبين نفسيا لان عنده اطفااااال لوانها ماتخلف يمكن
    وكملي حياتك لانك عاديه وصغيره لسة والله يرزقك بالزوج الصالح
    للمعلوميه قليييييل فالهزمن اللي يعدلون بين الزوجات الا من رحم ربي
    ذكرتيني بواحد عندنا هو مطوع وامام ويعتكف فمكة العشر الاواخر اخر شئ طلع متزوج ثانية بالسر ٨سنين
    بس طبعا اصابع يدك موزي بعض
    والله يرزقك بالزوج الصالح
  5. @amnyat_dayaa_1

    ما اشجعك صراحة


    مو.عشان زوجته لا

    لأن على قولتك مادام راغب بالزواج راح يتزوجك انتي او غيرك



    لكن اقولك لا عشانك انتي


    توك صغيرة ومشاعرك قوية كيف بتتحملين يوم ينام عندك واليوم الثاني بيكون بحضن وحدة ثانية


    الحين ممكن تشوفين الامر عادي ومحتمل

    لكن بعد ماتتزوجين وتحبينه وتتعلقين فيه

    وتحسين مالك فيه الا النص بتنقهرين وبتقضين اغلب ايامك قهر


    وتوك صغيرة ياقلبي فيه فرصة يجيك مطلق او ارمل او.حتى اعزب


    صغيرة مرة اللي كبرك مابعد تزوجوا



    كثري استخارة والله يكتب لك الخير

تابعي تجارب أخرى من هذا القسم.