تقدم لي متزوج ساعدوني أتخذ قرار

لاتوافقي عليه

من وقت يتزوجك راح تروح زوجته عندة وراح تروح معه وين مايروح
وترى تعليمها ابتدائي تزوجها وهو عارف تعليمها ومبسوط معها
وراح يقول لك عيالي اولى بي
ادا كان سبب زواجه بس يبي واحد تسكن معه مكان عمله انتبهي توافقين
والله يكتب لك الخير

ابدا ابدا مااشجعك ... انتبهي انتي صغيرة وحرام تقتلي حالك بهالزواج ربي يعوضك باحسن منو .... اولا اخذك مطلقة يعني لو بغى يطلقك بسهولة يطلقك يقول اصلا هي مطلقة هاد اول شي ... تاني شي عندو زوجة وعيال ومليوووووووون بالمية مستقر مع زوجته وعيالو وعلى قولتهم زادت قروشو ويبغى يتمتع بيك سنتين وبعدين مع كتر المشاكل من الزوجة الاولى يقول ابغى عيالي وزوجتي ويطلقك ... وابد ابد ابد مليوون ترليوووووووووون مرة يغرك الالتزام .. الالتزام دا بينو وبين ربو مالك دخل فيه انتي يهمك الاخلاق انا اقلك عن اختي زوجها كان لحية وامام مسجد يصلي تراويح بالناس ودكتور يعني كل مانسال عنو في كل مكان يقولو اية يابختكم ... ولكن بعد ماتزوجت اختي الله يعافي بنات المسلمين اخلاق ززززززززززفت أي كلمة تقولها اختي ياحرام يفسرها بنية خبيثة ويعمل منها مشاااكل ... وكل مشاكل اهلو يحطها في اختي المسكينة وتحريض من اهلو يجي مشحون عليها ويتفل ويسب شي مقرررررررف والحمد الله اطلقت منو وتخيلي بكل سهولة طلقها بسبب تحريض امو وش يقول لمن اهلي بغو الصلح عااادي وش يعني تتطلق الطلاق حلال الله يستر عليها تخيلي الحقارة وربي عوضها بواحد مشاؤ الله ذهب لانو منجد ربي ينصر المظلووم

نكووون واقعيين اذا كنتي جميله او فيك حلاوه وجسم رشيق لاتتزوجينه ادعي ربي يرزقك باعزب يكووون وحده لك 
العزاب ماساروا يفكروا بكر ولا مطلقه اهم شي حلوه وصغيره وجسم 

اذا كنتي عاديه تزوجيييه وطالبيه بالعدل المتزوج غالبا مايهتم بالجمال بقدر انه ياخذ اجرها خاصه انه ملتزم ولاتفوتيه لانه صغييير لايجيك واحد في الاربعينات ومافوق

اهم شي وش قال السبب لو بدون سبب مقنع لاتوافقين


لايكون بس متعه وخلاص