زوجي والقرض

السلام عليكم حوائيات
‏​ٱ‏​نـِْ♡̨̐ـِْا حابه اخذ رايكم بموضوع :
الحمدلله من علي ربي بوظيفه حكومي وراتبي الحمدلله زين وتو كملت سنه فيها
زوجي محتاج لقرض ولمح لي كم مره انه محتاج وانه اش رايك تاخذين قرض ‏​ٱ‏​نـِْ♡̨̐ـِْا وافقت ماعندي مانع وقالي راح اكتب لك ورقه اني اخذت منك فلوس عشان تضمني حقك ..
الى الان ماقدر ربي اخذ قرض مع انه سعيت بالموضوع وجبت تعريف الراتب ورقة تثبيت وقالي اخري شوي
ولمن جيت اسحب القرض قلت خلاص تكتب ورقه اضمن حقي قال لا ابغاك تثقي فيني مو لازم اوراق
والحين اعطيته 17000 ومشى حاله وسوا اشياء كثيره فـ♡ـي الفله طبعا نحن بنينا فله وناقص تشطيب والقرض اذا اخذته راح يكمل بيتنا..


اش رايكم اعطيه القرض ويكتب لي ورقه واضمن والا مااخذ قرض والا اش اسوي
وانا ودي انه اكمل الفله ابغى اعيش فيها لانه ‏​ٱ‏​نـِْ♡̨̐ـِْا اللي صممتها ونفذنا كل شي بس نقصت الفلوس
وخايفه اعطيه ولا يرجعها لي واندم على راتبي اللي راح يروح منه مبلغ وقدره تسديد للقرض خمس سنوات ..
شورو علي بليز ....

32 تعليق 21,602 مشاهدة

شاركي في النقاش

سجلي الدخول لإضافة تعليق.

التعليقات

31
  1. @am_zyad_alzyn

    شوفي يالغاليه انا اشير عليك تاعطينه بورقه وشهود لازم لاتقولين زوجي وحرام الزمن ماينضمن
    اذا كنتي ضامنته زين سوي اللي قولت لك عليه لان سبحان الله ماتدرين يمكن يتزوج او ييتغير عليك او ينكر ترا والله يامن فيه ناس الشيطان يلعب عليهم
    مو كل الناس لكن الحذر واااااجب
    والله يكتب لك الاجر ع محاولة مساعدتك لزوجك
  2. @akht_ndal

    حبيبتي كيف يقول لك اعطيني قرض واوقع لك على ورقة تضمن حقك ولما جاء الجد تهرب وقالك ثقي فيني وما بيننا اوراق ؟!
    ما أبي أشكك في زوجك بس اتفاقه معك لما طلبك القرض اختلف في الأخير!
    والله حاجه غريبه
    ونصيحتي لك ولكل متزوجه موظفه ما تعطي زوجها ريال الا بأوراق
    إلا في حالة كان البيت اللي تسوونه بأسمك
    الزمن ياحبيبتي ما ينضمن والرجال تغيروا والدنيا صارت تخوف وياكثر قصص اللي استغلوهم ازواجهم وبالأخير يا تزوج عليها يا طلقها يا بخل عليها وجحدها وجحد فلوسها ونكد عيشتها
    والمثل يقول ( ما دام الحساب دامت الصحبة )
    يعني أموركم المالية لاااازم يكون فيها فصل بأوراق تضمن حق كل واحد
    حتى ما يجي أحد بعدين يولول
    وأقلها ترتاحين نفسياً ان حقك مضمون حتى لو ما رجعه لك وما طلبتيه بعدين
    والله ياقلبي اختصري عليك وقولي له أنا أثق فيك لكن ما أثق في الزمان ولا أقدر أعطيك شئ الا بأوراق
    وبتضل زوجي وحبيبي لكن الأمور هذي ما استهين فيها لأني اخاف من الزمن مو منك
  3. @plum_and_pear

    لا ياحبيبتي قولي له اللي اوله شرط اخره نور
    البيت ومصاريف البيت وبناء البيت شغلتك ماهي شغلتي
    احتجت مني مساعدة من عيوني ... لكن قصة اني اخذ قرض ومتفقين انك تكتب لي ورقة تثبت حقي
    وبعدين ترجع تقول مايحتاج ورقة وخليكي واثقة فيني !!! يفتح الله
    الورقة تنكتب وعليها شهود كمان .. انتبهي يكتب لك ورقة بينك وبينه من غير شهود
    ترى لاقدر الله لو صارت مشكلة والله عيونك تطلع من مكانها ولاتاخذي منه هللة
    وبصراحة انا لو مكانك والله ما اخذ قروض الا لشي يخصني لوحدي
    اشتري ذهب .. اسوي مشروع .. شي يخصني يعني .. اخذ قرض
    اما عشان اكمل تشطيب بيت وعندي زوج عرف يسوي البيت كله ووقفت معاه على تشطيب ؟؟
    لا والله خليه من غير تشطيب لين يعرف يكمله وبكيفه مو مشكلة يتأجل نقلنا للبيت سنة كمان ماتفرق
    ادري اني شريرة بس يختي الدنيا صارت تخوف والفلوس اذا دخلت بين الزوج والزوجة والا الاخ واخوه يجي ابليس ويشتغل احلى شغل وتبدا المشاكل من كل مكان ..
    الله يسهل عليكم ويرزق زوجك خير ولايحوجك لا انتي ولا هو للقروض تكملوا بيتكم وتسكنوه ويجعله منزل مبارك يارب

تابعي تجارب أخرى من هذا القسم.