هل لو عرض عليك هذا الزوج توافقين أو لا/ قديم + استوفى

بالطبع لو فيه بنت بها اي. تشوه بمنطقه بجسمها يمكن تمشي الامور بس معاقه اظن نزيد الحمل حملين والله يوفق

خواتي للي تقرء رد الاخت اولادي اغلى ما عندي جزاها الله خير ما يرضيها هذا الرد الجارح والله كل اخت ترد بس مو بذا الاسلوب الجارح تقول عنا انانيين زياده تقول بعد هو كفيف وما يدور إلا سليمه. يعني حكمت الاخت جزاها الله خير باسم جميع البنات ان مو حق الكفيف يبحث له عن وحده تكون شريكه حياته تعينه على الحياه وتسعده كأن كف البصر جريمه ارتكبها الشخص وهو امر قدره الله سبحانه وتعالى تصدقون لو يسمع بردها وهو شخص حساس كان بيعاتبني على طرح هذا الموضوع للاسف ان هناك عميان قلب وهم العميان الحققيين ما يشوفو

سبحان الله وبحمده سبحان الله العظيم

ريومي مع احترامي الشديد لك
كلامك في تناقض رهيب
صح مو ذنب قريبك انه اعمى وهذا شيء ربي قدره له
لكن حتى البنات الي عندهم ظروف واحتياجات خاصة مو ذنبهم ومو هم الي اختاروا وضعهم
اذا هو الي عنده احتياج خاص ماحس فيهم ليه متوقعين من الاشخاص السليميين انهم يحسون فيه
ويقبلون بالزواج منه !!!

تقولين هو ما ارتكب جريمة علشان مايبحث عن وحده تشاركه حياته وتسعده
كأن البنات ذوي الاحتياجات الخاصة ارتكبوا جرائم علشان قريبك مايفكر فيهم

اذا انتي تشوفين الكفيف انسان عايش حياته بسلاسة وقادر تماما على فتح بيت وتحمل كامل مسؤولياته
ليه ماتكون الكفيفة زوجة مناسبه له لان الاثنين رحومين وحساسين وبيقدرون ان شاء الله يكملون حياتهم من غير مشاكل والا الكفيف قادر والكفيفة غير قادرة !؟؟؟
معليش بس اذا الاعمى مايبغى الا سليمة
فليش مطلوب من السليمة توافق على الاعمى ؟!؟!

بالنسبة لي غالبا ما اوافق لكن لو لاقدر الله زوجي جاه اي نوع من الاعاقات او الامراض
طبعا راح اوقف معه وما اخليه لان بينا عشرة ومودة وعمر واطفال
يعني لما اكون بنت ببيت اهلي وجاني واحد ولنقل مصاب بالسرطان
غالبا ماراح اوافق لاني ابفكر بالمواعيد والعلاج ونفسية المريض وغيره من الامور وبحس اني بدخل نفسي بمسؤولية ووضع مني قده
لكن لو تزوجت وبعد فتره مرض ماراح اكون قليلة اصل واتركه بعد الايام الحلوة الي بينا بعز مرضه وحاجته لي
يعني لاتخلطين المواضيع ببعض وتقولين لو زوجك يصير له حادث او يمرض او غيره
لان مافي مقارنة بين الوضعين

والله يرزق قريبك بالزوجة الصالحة الي تسعده

اختي الله يهديك ليش فهمتيني غلط انا ما قلت ان الكفيفه او ذوي الاحتياجات الخاصه ان مالها حق بعد انا اقول زواج المعاقه كانت كفيفه او معاقه حركي من كفيف صعبه انتي تخيلي معي وضعهم بالبيت يعني فيه تجارب ولم تنجح او تنجح بس بها تعب شديد ارهاق مادي جدا عليهم يعني من الصعوبه هو يضل بدون سائق وهي بعد بدون خادمه وذكرت لكم تجربه ناس سمعت عنهم لا نظام بالدوله يسمح لهم بمساعدتهم لأنهم يحتاجون العماله المنزليه لظروفهم الخاصه شوفي كم قيمه الاستقدام والرواتب هذا من باب وباب ثاني تخيلي دواء لاحد ابناءهم عليه تعليمات او طريقه لمعرفته يحتاج من يقرأه لهم من الصعوبه بمكانه تمشي امورهم ليتك قلتي انك ترفضين بدون رد شوي فيه نوع من القساوه والي ما اراد له الله ان يكون بمكانهم اكيد مو حاس والكفيفه تحتاج. سليم ومن باب ايضا الوراثه بعد اذا كان الاب والام نفس الحاله