رسالتي لزوجي القاسي
متابعة النقاش، صفحة 16
شاركي في النقاش
سجلي الدخول لإضافة تعليق.
التعليقات
94- الله يسخره لك
- انتي اللي غلطانه ليش تحولين العيد لنكد
خلاص هو فهم انه قرارك انك ما تجتمعين بزوجته الثانيه ابد
واذا طراه مره ثانيه قوليها كلمه ورد غطاها ما اجتمع معها ما اجتمع
ولو اصر ياخذ العيال ياخذهم وحرصيهم على بعض وفهميه ينتبه لهم وانهم الان امانه في رقبته ومسؤل عنهم
وانتي بسطي نفسك وزوري اهلك
واذا العيال معك خططي للعيد قبله بوقت يعني من نصف رمضان يا تروحين لاهلك
يا تعزمينهم او تعزمين من يعز عليك
او تروحين وعيالك ملاهي وتتقاولين مع سواق يوديك
ولا تربطين نفسك فيه وخلصي امورك بنفسك
خلاص تزوج ماعاد فيه شي تخافين منه دبري نفسك بنفسك
والزميه بالنفقه ولا تتهاونين فيها ابد - والله ان قصتك نفس قصتي بس انا عندي زياده ضرتين وكل واحده تروح العيد في يومها لحد ما اتفقوا الثنتين يروحو سوى بدا يحاول انضم لهم يوم رفضت منعني اروح اعيد على اهلي وحاسه فيك مااتحمل اشوفهم ليش الانانيه في الرجال يبغى ينكد عليها حتى ف العيد فوق انه متزوج عليها وحارق قلبها مالنا الا الصبر والدعاء وتاءكدي ان دوام الحال من المحال
- وعليكم السلام ورحمة الله وبركاته:
ربي يسهل ظروفك ويسخرلك زوجك
ابعثي الرسالة وماتعرفي تأثيرها في نفسه
ولا تحقرن من المعروف شيئا
ومن حقك طبعا انك تعيدي انتي وعيالك مع اهل زوجك وتنبسطوا
والمفروض عيد انتي تروحي وعيد هي تروح ماهو تنحرموا من العيد ثلاث سنوات
الله الله في الدعاء وسهام الليل لاتخطئ ادعي ربي يحنن قلبه عليك - اولاً : جزاكم الله كل خير يا أخواتي على تفاعلكم واشكر كل من دخلت واعطتني رايها ووالله ان دعواتكم تثلج الصدر ربي يسعدكم كلكم
اخواتي طبعاً بناءً على راي الأغلبيه انا ما ارسلت الرساله
وطبعاً تأخرت ما رديت لأني انشغلت وعزمت خواتي واخواني وصديقاتي عيدو علي في بيتي لأنه رفض يوديني اعايد اي احد ابداً
واليوم لما حس اني مكبره راسي على قولته وشافني موسعه صدري واستغليت جلستي في البيت وفرحت عيالي كلمت أختي جزاها الله خير وجابت لهم العاب وهدايا والحمد لله عيدنا
طبعاً هو جا وحاول يناقشني في وجهة نظره وانه من حقه ياخذ الاولاد معاه واني اذا ما طعته فهذا راح يحسب ضدي واكون زوجه عنيده وانانيه !!!!
فأنا بناءً على كلامه وبعد ما قرأت رأي بعض الأخوات هنا بإذن الله العيد الجاي راح اقوي قلبي وارسلهم واجهز لهم كل ما يلزمهم ان شاء الله
الشي الثاني قصة زواجه من الثانيه انا ماني حابه اذكر تفاصيلها لأني قررت بيني وبين نفسي اسامح ناس تدخلو وتسببوا بزواجه فما ودي اذكر شي مؤلم تعبت لحد ما مسحته من قلبي
بالنسبه للوظيفه هو ظغط علي وخلاني اتركها بطريقه غير مباشره .....
يعني كل شهر مع نزول الراتب يسوي نفسه مديون ومسكين وفقير ويبدا يطلب مني الراتب
في بعض الاحيان اضعف واعطيه واتندم لأنه ما يبان بعينه ولما رفضت يزعل ويتركني ايااام ما يصرف في البيت حتى الخبز والخضار وكل الاساسيات يطنش ما يجيبها حاولت وجمدت قلبي لكن عيالي الي بيجوعوا
بصراحه لقيت نفسي اتعب على الفاظي وغير كذه غاسل يده من الاولاد مستحيل يتعاون معي في تدريسهم واذا مرض واحد منهم حط اللوم والسبب شغلي
واذا جا يوم المناوبه اتأخر شوي يشغلني ويتهمني بالأهمال والتقصير وووووو
والله تعبت منه في الاخير الراتب ظعيف في مدرسه خاصه ما يستاهل كل التعب علشان كذه قررت اجلس واطلب العوض من الله
وبالنسه للأخت الي سألتني عن علاقتي مع اهله قبل ما يتزوج علي
فأقلها والله العظيم الشاهد على ما أقول اني كنت احترمهم واحبهم وامه كأنها امي اذا رحت عندها ولقيتها تعبانه ادهنا فكس وانظف مطبخها وارتب الفراش وكأنها امي بالظبط وقبل ما اروح اصلح الحلى والقهوه واروح واظحك معهم وادخل على خواته وامازحهم واساعدهم في مناسباتهم واستشيرهم بملابسي وكأنهم خواتي بالظبط ......
لكن الشكوى لله تدخلت اطراف بينا وافسدوا ايما افساد حسبنا الله
اخيراً : اشكركم اخواتي من اعماق قلبي
ولا تنسوني من دعواتكن
مواضيع مشابهة
تابعي تجارب أخرى من هذا القسم.