ترشحت في جدارة وحصلت على وظيفة محاضره ساعدوني للأفضل

السلام عليكم

اول شي مبروك اختي ماجاك واستخيري قبل اي شي ، وانا عندي تعليق علي موضوع محاظره بحكم انه معي ماجستير وقبول دكتوراه بامريكا معضم الجامعات عشمتني بالتعين وسحبت علي و جامعه الاميرة نورة خلتني اوقع تنازل للماجستير وابداها من جديد بامريكا وبديتها علي حسابي الخاص وكنت مرشحه اساسيه وبعدها طيروني. والحمدلله حمدا كثير انه تم تعييني من ضمن الاداريات العام ( كوني اشتغل ولا عاله شعور جميل حتي لو اني مضلومه من ناحيه المرتبة الراتب دورات اللغه الشهاده وفوق البيعه خارج الرياض ٢٠٠ كيلو) لكن افكر اكمل دكتوراه لنفسي بالمستقبل بس ارفض السلك الاكاديمي او الجامعي بسبب تعاملاتهم وتحتاج واسطه وانا ماعندي و بسبب تمريطهم لي. فاذا وظيفتك مضمونه وانتي عندك الاستعداد بتسافرين للدكتوراه استخيري وخذيه والله تقولين تعبت من المرمطه والغربه والتنقل وابي شي استقر ومايهمني شي ثاني روحي للتعليمي . واذا وظيفة الجامعه عقد اتركيها مامنهم امان هالجامعات يبون واسطات فقط للتعين وشي قوي حيل ولا يهمهم ندره التخصص ولا شي ابدا . الله يوفقك ويسخرلك يارب

الله يجزاك خير كلامك جدا مريح ويخلي الواحد يقتنع بالمحاضره وفعلا طالبات المدرسة قليلات ادب ومش محترمات وانا سبق وجربت وطبقت في مدرسة وشفت سؤ التعامل :09: والله يكون في عون المعلمات :) بالنسبة للعقد لازلت مافهمت ليش وقعت عليه و ليش مارجعوا يتصلوا فيني رغم اني وقعت عقدي قبل اجازه الصيف اخر اسبوع لان مرحلة التدقيق خذت وقت طويل وإجراءت الإختبارات خذت 3 شهورر وماحصل اوقع العقد الإ أخر أسبوع ومامداني أفهم وش علي وش أسوي وبدات الاجازه وانتظرهم إلى الأن يدقون ولا يدقون الله يهديهم :09: . بالنسبة للنحاسة احسها موجودة بكل مكان وبقطاع التعليم فسواء التعليم العام والتعليم العالي ومجتمع الحريم هو أسواء مجتمع من ناحية الحقد والحسد والبغيضة والترقيات يحبسونها بالادراج المهم ماتطلع الله يهديهم بس ويخلصنا من هالنكد النسونجي :09:
وباذن الله ابستخير وافكر كثير والله يكتب اللي فيه الخير


امين يارب


هذي المشكلة نفسي استقر بالسعودية على الاقل فتره تعبت من التنقلات ونفسي ارتاح واجمع لي كم قرش راح عمري دراسة :09:
وبالنسبة لثامنه مين اللي يقرر يعطوني او لا وهذا فعلا اللي سمعته مافهمت ليش يمنعونك منها هل فيه اسباب او متطلبات لشيء هذا :09:؟

هذا اللي يخوف والله على اعصابي من هالموضوع بس كيف 15 سنه عقد هي كيف رضت وكيف يلغون العقد ؟ معليش عفوا ليش جابو اجنبيه ايش كانت المشكلة معها ؟


حبيبتي والله مره ضاق صدري عليك وشلون الغو تعينك وكيف طلبوا تنازل عن الماجستير مافهمت انتي كيف بديتي معهم ؟ هل كنتي معيده وكملت ماستر في امريكا ورجعتي وطلبوا منك الدكتوراه اجباري بعدين الغوا تخصصك وطلبوا منك تجيبين تخصص ثاني ؟
والان انتي ادارية يعني تركتي الجامعه وايش سويتي في قبولك حق الجامعة الخاص بدكتوراه ؟
اسفه كثرت عليك اسئله بس يهمني الموضوع بتفاصيلة عشان مادخل في نفس المعمعه حقتهم لاقدر الله :smile: انتظر ردك

إذا المحاضرة تعاقد لا تفرطي في ترشيح جدارة لأن التعاقد فعلا ممكن يلغوا عقدك أي وقت هذا غير مرمطة الراتب اللي ما يجي إلا بنهاية الفصل أما إذا ترشيح وتعيين فالمحاضرة من نواحي كثير أفضل أقلها طبيعة الدوام أقل

في رأيي احتياطا كملي إجراءاتك مع جدارة وإذا تعينت محاضرة بشكل مؤكد اتركي التعليم العام

شرط الدراسة برا سمعت إنهم ألغوه وأعرف وحدة قالت لهم ما معي محرم وسمحوا لها بالابتعاث الداخلي وبالواسطة كل شيء يمشي خصوصا إذا علاقاتك مع كادر قسمك ممتازة

اولا لازم استخاره
ثاني شىء اذا كانت الجامعه وافقت عليك واعطتك ورقه التعيين فاختاري المحاضره اما اذا انت لسه في الترشيح وماوافقوا عليك ومعك مرشحات فلا تفرطين في التدريس حتى تتاكدي من ترشيحك في الجامعه وبالنسبه للدراسه عادي تقدري تكملي بالسعوديه واذا على الطالبات على الاقل بنات الجامعه تقدري تظبطينهم بالدرجات والاسئله يعني مو تظلمينهم لا بس خوفيهم واذا مامشوا معك صعبي الاسئله بالشهري مو مره يعني فهميهم ان رسوبهم ونجاحهم بيدك وصدقيني راح ينظبطون اما بنات الثانوي وربي انك ماتقدري فيهم وربي اختي تقولي البنات يقولون للمعلمه الفاظ وسخه وفي وجهها من غير المناطق البعيده