بنات الرياض ابي قهوه زينه

السلام عليكم

كل عام وانتم بخير

بما اني ماني خبره بالقهوه والمحلات ابي تدلوني على محل ونوع قهوه زينه عجزت اشتري وماتعجبني
وابي زنجبيل نكهته حاره غالبا استخدمه وماله طعم ولانكهه وخلطة القهوه وش افضل نوع ماااستخدمتها ابدا يمكن تعدل قهوتي

مشكورين حبايبي

13 تعليق 8,919 مشاهدة

شاركي في النقاش

سجلي الدخول لإضافة تعليق.

التعليقات

13
  1. انا اخذ من العريني الي بمخرج 9 اسمها المهيله بصراحه رووعه ومااحط بالترمس غير الهيل لاني لما اطبخها احس فيها زعفران من لونها
  2. @msk_alaator_5

    النمساوية
    انا اخذ من العريني الي بمخرج 9 اسمها المهيله بصراحه رووعه ومااحط بالترمس غير الهيل لاني لما اطبخها احس فيها زعفران من لونها
    اخذي من محل كيف الشيوخ بحي النسيم مقابل العثيم مول ع طريق خريص

    وانتبهي لااسم المحل ترا فيه جنبه اكثرًمن 6محلات قهوه والاسامي تشابه وكلها فيها شيوخ


    هو محل كبير يبيع انواع القهوه والشاي والمكسرات والشوكليت والتمور بانواعها والهيل والزعفران

    وكل شي هوو محل كبير ومزحوم وانزلي للمحل عادي يدخلون حريم :cook:

    وانا كانت قهوتي شششينه حيل زوجي وكل الناسس كانو يتغصبون ع فنجال :lookaroun

    وتحطمت من زوجي وابو زوجي يتهزى ع قهوتي


    والحين الكل اتجننننن عليها وزوجي صار يطلبها كل عصريه لازم ويشرب الدله كلها صارت تجننن


    والسرر بقولك بسسس كل الي يستفيد يدعي اسالكم بالله تدعون لي


    السر تحطين القهوه والهيل المجروش وبهار القصيم بكيس وتسكرينه زين وع الفريزر :lechz:



    ايه تحطينها بالفريزر قسسسم بالله تجلسسسس فوق 5شهورر ولاتتتغير ريحتها ونكهتها تفوووح
    من افتح الكيسسس ريحت الهيل كانه توه مطحون والقهوه كانها جديد

    والطريقه تحطين بدله القهوه تقريبا 3اكواب ما واذا غلى تحطين فنجال ونصصص قهوه
    وتخلينها ربع ساعه ع نار هاديه
    وتحطين بترمسس ملعقتين ص مليانه هيل
    وملعقه ص بهار القصيم
    وتحطين عليها القهوه



    ودعي لي لاتنسيني
  3. @alhrh_1

    صاحبة الموضوع
    النمساويه ومسك العطور ماقصرتوا ربي يجزاكم خير وتراني مااعرف للوصف ولا مخارج بحكم السفر الدائم بسال زوجي عنه
    وانا ساكنه في شمال الرياض اي شي قريب افيدوني اكثر وماييمنع نروح للبعيد الزين
    وابي محل تمور غير الصالحيه والمحلات هذي باخذ كميه ربي يسعدكم  
  4. @msk_alaator_5

    الحُره
    النمساويه ومسك العطور ماقصرتوا ربي يجزاكم خير وتراني مااعرف للوصف ولا مخارج بحكم السفر الدائم بسال زوجي عنه وانا ساكنه في شمال الرياض اي شي قريب افيدوني اكثر وماييمنع نروح للبعيد الزين وابي محل تمور غير الصالحيه والمحلات هذي باخذ كميه رب…
    اسالي زوجك عن العثيم مول الي ع طريق خريص وهو ورا العثيم مول


    والتمور اخذي من عندهمم تجننننننننن عندهم انواع واشكال وبالكراتين بعد


    انصحك فيه روحي له

تابعي تجارب أخرى من هذا القسم.