هل لو عرض عليك هذا الزوج توافقين أو لا/ قديم + استوفى

لا ياقلبي انا متزوجة
وبغض النظر عن وجهة نظري انا استغرب نظرتكم انتم اهل الكفيف بالزواج من معاقة
خليتي الحياة صعبة ومعقدة علشان المعاقة ماتتزوج الكفيف
وقلتيها برد سابق لك ليه الناس يتزوجون علشان يرتاحون او يعانون
لكن لما جا الموضوع على قريبك تبغون له السليمة
احل اخيك ماتحب لنفسك
ليه ماقلتي للسليمة خذي سليم مثلك والناس تتزوج علشان ترتاح
سهلتي الزواج من الكفيف وكل الناس عندهم سواقين ويروحون مع ليموزينات
لكن يوم جت عالمقعدة خليتيها تكاليف وكيف بتجيب شغالة وسواق بنفس الوقت ؟!؟!!!!!
وانا ممكن ارد عليك واقولك اغلب البيوت فيها شغالات بعد وعدد الشغالات اكثر من السواقين بالبيوت
تقولين لاتكون نظرتكم للكفيف سوداوية
انا نظرتي للكفيف مو سوداوية عزيزتي
ليه شفتيها سوداوية علشان بس قلت يتزوج وحده من ذوي الاحتياجات الخاصة ؟!!!!!
اذا انا بقول عنك نفس الشي انتي نظرتك للبنات ذوي الاحتياجات الخاصة سوداوية
ومستكثرة عليهم الزواج من قريبك الكفيف وخليتيه صعب ومعاناة
وعلى فكرة التوفيق والطلاق ماله علاقة بسليم وكفيف
يعني انتي تضمنين ان قريبك مايتوفق بزواجه ويطلق ؟؟؟ تضمنين ان حياته بتكون مستقرة
هذي امور بعلم الغيب ومالها علاقه لا بعمر ولا وضع اجتماعي ولا بغيره

واخيرا الله يرزق البنات جميعا وبالاخص ذوي الاحتياجات الخاصة ويغنيهم بفضله عمن سواه ويعوضهم بالازواج الصالحين ويقر اعينهم بالذرية الصالحة

مساء الخير

اختي مشاعر كلامك صحيح تجاه المعاقات ليش رزقهم بس عند كفيف اختي اشد على يدك واعين واعاون بما اني احس بقريبي وهو من ذوي الاحتياجات الخاصه واعرف مشاعرهم اختي ليش ما تسوين حمله وانا معك لتزويج المعاقات من سليمين ولو تكون ثانيه مو الحل بس زواج قريبي من معاقه وهو وانا مو معترضين على زواج المعاقه لكن اقول بيصير نوع من الصعوبات الي ذكرتها لكن المعاق بصري ووالمعاقات لهم الله وين التكافل الاجتماعي ليش المفروض ان المعاق لازم ياخذ معاقه او المعاقه بتقعد ليش السليم ايضا ما يفكر بها يعني ابدءي بالي حولك لعلهم يحلون قضيه زواج ايضا المعاقات اختي اذا لديك معاقه حركي راسليني على الخاص وربي يوفق ومالك إلا الاجر اختي مشاعر ودي اعرف وين المشكله اذا تزوج معاق حركي او كفيف بسليمه وين المشكله بدون ذكر لاخواتي المعاقات لأني بجانب ايضا ليت يتفهم السليم ويتزوج بعد من معاقه وين المشكله ايضا والله ييسر الامور

يعني هو متزوج وكفيف ويبي يتزوج ثانية

لو مو متزوج قبل
انا اعرف كفيف اخذ مطلقة عندها بنت وعايشين حياتهم مبسوطين صعب وحده اول مرة تتزوج تاخذ كفيف وفي النهاية القرار اولا واخيرا لك

حبيبتي ريومي
انا ماعترض على زواج ذوي الاحتياجات الخاصة من ناس سليمين
بل على العكس
صح لو علي ماراح اوافق مو استنقاص لهم
بس لاني عارفه نفسي ممكن ما اتأقلم مع الصعوبات وما اتعايش مع الضغوطات
فمن البداية ما احط نفسي بوضع انا ما اقدر اتحمله
لكن بالمقابل فيه الالاف البنات ممكن تقبل وتعيش مبسوطة بعد

لكن اذا خطبتوا لقريبكم بنات سليمات ورفضوا
وش المشكلة لو تفكرون ببنت من ذوي الاحتياجات الخاصة
يحسون بوضع بعض ويتحملون بعض
وحبيبتي انا ما اعرف بنات من ذوي احتياجات خاصة
والا كان دليتك
والله يوفق الجميع