هل توافقون معي؟لوسمحتوا لحد يزعل أو يدعي علي بس مجرد رأي خلو الموضوع ودي <خايفه منكم:
متابعة النقاش، صفحة 5
شاركي في النقاش
سجلي الدخول لإضافة تعليق.
التعليقات
29- لكل مرحلة خاصية و الجامعة مرحلة يكبر فيها العقل يصعب تطبيق خاصية المدارس عليها. أما مسألة اللبس المفروض كل واحد يهتم بمظهر من غير مبالغة أو بهرجة..
- خليهم يلبسو زي مايبغوا ويمتعوا أنفسهمم ألدنيا زائللله
- ههههههههههههههههههه الله يسعدك يالغلا قلبك طيب قريته من بداية الموضوع ....
انا العام كانت لي اول سنه بالجامعهـ .....
بتتكلمي عن البس وليهـ مايوحدوا الزي وكذا ..... توحيد الزي تعب وبالجامعه بتلقى بنت مستوى اول وحامل
وبتلقي ناس كبار ويدرسون ومايرتاحوا للمرايل .... والصراحه مريحه البلايز والتنانير .......
واذا انتي خايفه ماتكشخي او يكون فيه احد احسن منك ماراح تعيشي بالجامعه
اصلن محد يهتم بالكشخه .... صحباتي يجون ترى هاذي تنتوه قبل امس لابستها ترى جدآ عادي البس مو قضيه ....
والمكياح براحتها تحط ماتحط ^ــــــــ^
النقطه المهمه سالفة الدكاتره ومجلس امهات وين يسولك مجلس امهات القاعه تجيك 80 طالبه ويجي دكتور يدرسك ويدرس الطلاب
امك بتسئل من يعني ................؟!!!!!
وسالفت الظلم مقدور عليها ..... الدكتوره عندها منهج وقاوانين وحد للغياب اذا مشتي بالقوانين بتسلمين وبتعدين ... واقولك اذا حد ظلمك لاتسكتي المرشده المسوله وتاخذ حقك وتنصفك ....
الجامعهـ بئهـ حلوه وفيها شر كثير بس خذي النافع لانك راح تقابلي ناس كثير وتتعاملي مع ناس واجد ... وراح يكبر تفكيرك وتبقى روحك هي راح تعرفي كيف تذاكري من 4 كتب وكيف تاخذي المهم ... كيف تدخلي مكتبه وتبحثي كيف تسوي بحث ... كيف تناقشي .. كيف تتكلمي بدون خجل .... حسيت الجامعه اول خطوه للاستقلال والاعتماد على الذات .........
وفوق كذا يجوك دكتورات لايقدروا بماء الذهب يعلمونك كيف تمارسي حياتك برا قبل مايهتموا بالمنهج يعلمونك كيف تكوني انتي كيف تحققي ذاتك يعلمونك اهمية شهادتك ....... ويتواصلوا معك واتس وتويتر وفيس ومايقصروا لاطلبتي .....
وفيه دكاتره صح يظلموا بس اقول المظلوم منصور والحمدلله تعدي .......
وفوق كذا بتسمعي تجارب وبتشوفي ناس يكبرون فكرك ^ـــــــ^
سهلي الجامعهـ على نفسك ترى فيها سوالف كثير ^ - ضحكتيني والله
الحين فوق هالحياة الرمادية وصعوبة المعيشة وصعوبة المواصلات والكبت الممارس على النساء وهالحر المميت
والنتزهات اللي مافيها ايه منتزه واحد نسائي مهتمين فيه كله تمشية حال نبي نقط العباية شوي نسبح بهالبحر بدال مو قاعدين نتفرج عليه فوق صعوبة القوانين ضد المرأة وتخلف بعض الناس اللي عقولهم تنكة خلو المرأة
تنظر للزواج على انه الحل الوحيد لجميع مشاكلها وبدون الزوج حتى لو هو سيئ الحياة ماتكمل معاها وفوق قلة الوظائف وصعوبتها وفوق كلللللللللللللللللللللللللل هذا
جاية تقولي لا الافضل كمان مايكشخوا بالجامعة هذا مجتمع دراسي مو للوناسه ياشيخة ليش انتو عدوات نفسكم
مستكثرين على انفسكم ابسط الاشياء تعودتوا على الكبت والمنع من كلشي.....
من قال التعليم يتعارض مع الوناسة والكشخة من قال !!!!!!!!!!!
عملت بالكويت سنتين المدارس الابتدائية هناك نعم مثلنا مطبقين نظام المريول لكنه مريول فرايحي لاهو كحلي ولا رمادي حاطينه وردي فاتح جميل قصير الى تحت الركبة عشان تلعب البنوته عراحتها وماتكنس ساحة المدرسة بطول مريولها زي عندنا......
طاولاتهم فيها جميع الالوان في الفصل الواحد ومطلوب مننا نوصلهم المعلومة بطرق ترفيهية اكثر من كونها رسمية
عشان يحبوا الدراسة لدرجة مدرسات يعملوا الدرس عشكل مسرحية متكاملة العناصر ممكن تمثل وترقص لازم اثناء ماهم يكتبوا الدرس لازم وشرط تحطيلهم اغنية طفولية تخليهم يستمتعوا اثناء الكتابة اتخيلوا بس.......
هالشي مو بس لو وجتهم موجهات زينا لاااااا هالشي دائم وابدا في حصصهم ....
حفلاتهم المدرسية تقام بمسارح فخمه كل مدرسة فيها مسرح زي اللي نشوفوا بالتلفزيون وانا مدرسة بنتي في السعودية خاصة مسرحها حتى تكييف مافيه :(
وحفلاتهم شيييي مبههههر وشوفوها على اليوتيوب....
المدرسات مالهم زي محدد البسي اللون اللي تبين واللبس اللي تبين شرط احترام الصرح التعليمي كل شي مسموح لهم
ماعدا التنورة اللي تكشف الركبة والبنطلون اللي بلوزته قصيرة ..... فتشوفي اللي بعبايتها واللي بتنورتها واللي ببنطلونها واللي لابسة قصير لتحت الركبه وهكذا احترام للاختلاف والحريات وماحد له دخل بأحد
وانتي جاية تقولي مريول في الجامعة ياختي المفروض مافيها شي ممنوع وكل شخص وامكانياته وحريته وقناعته
للأسف شعب متعود على الممنوع وان يوضع نقط يمشي عليها مايبي يتطور ولايفهم ولايخلي رحمة الله تنزل :) - حياتي أنتِ شكلكـ خايفه من الجامعة
أولاً: اللبس
أنا كنت اشوف اخواتي مع كل ترم يشتروا كم بلوزه وتنورة
وكل يوم تجلس تختار لبس وتكوي وتعب مرررره
لكن الحمدلله في كليتنا الزي موحد يونيفورم لكل تخصص لون محدد
>> وأغلب الطالبات يكون عندهم واحد أو اثنين
ومره مرتاحه لأنه واحد
وممنوع الزي المخالف "تنوره وبلوزة بألوان غير ألوان التخصص"
تتغيبي في المحاضرة وبعض المباني ماتدخليها
وكل كلية وشروطها
أذا انتي تبي تلبسي زي محدد
مثلا تنورة سوداء أو جينز وبلوزه محدده عادي جداً
ماعليك من كلام البنات
ثانيا: أمكـ تسأل
ترى الجامعة خلاص تصيري كبيرة
بعضهم يكونوا أمهات
فكيف تجي مامتها تسأل وهي معها نونو
الجامعة تصيري مسؤوله عن نفسك في كل شيء
دوامك ,, اختباراتك ,, محاضراتك ,, حضورك وغيابك ,, معدلك .....إلخ
وبعدين بعض المواد يدرسوها رجال فكيف تسأله ماما
ثالثاً : المكياج
أنا ما أحب المكياج فترة الدوام " كحل أو مسكره + مرطب خفيف " كفايه
أما ألوان من الصباح للعصر صعبه شوي
أنا وصديقاتي بعد ضغط الاختبارات إذا معنا وقت فاضي
نقرر يوم نلبس تنورة مخالفه ونسوي مكياج خفيف وفطور
من باب تغيير الجو
رابعاً: الجامعة والدكاتره
أنا أقولك كوني منضبطه في حضورك وغيابك
ولا ترفعي صوتك وتحطي رأسك برأس الدكتور/ هـ
راح تكوني معروفه ومميزة
وأي شيء تبينه مايبخلوا عليك
وبعض الدكاتره تثق فيك وتعطيك أوراقها تساعديها
ممكن تكوني ليدر القروب
إذا كنتي محل اهتمام لبنات القاعة والأساتذه
>>أنا ما أحب الليدر لأنه التزام
ــــــــــــــــــــــــــــــ
حبيبتي الجامعة حلووه تعلمك أشياء كثيرة ماتعرفيها
تختاري صديقتك أو شلتك وفي الغالب هم يستمروا معك حتى بعد التخرج لسنوات
وممكن هم صديقات العمر
لايهمك اللون والشكل وبعد المنطقة عنك
أهم شيء أخلاقها ووفائها وإخلاصها
دراستك محد راح يساعدك فيها
يعني أقصد محاضراتك تكون مرتبه وكاملة
ولا تثقي في أي طالبه ماتعرفيها
بعض صديقاتي يعطون بنات في القاعه محاضراتهم قبل الاختبار
وماعاد ترجع لهم خاصه إذا كان شكلها مرتب يساعد على المذاكره
وأهم شيء اكسبي لك صديقات من أول يوم
وبتكون حياتك الجامعية لزيزه
موفقه يا عسل
مواضيع مشابهة
تابعي تجارب أخرى من هذا القسم.