ليتني فداك
ايه الهم واحد الله يفرج عننا جميعا بالولاده السهله الميسره من رب العالمين
وانا لي حكايه مع التسجيل بالتجمعات ههههههه
بس ندمت لاني ما سجلت معاكم
جاني احباط لما طلع تاريخ الولاده المتوقع 30 اغسطس لاني وحده من اللي يصمدون للاخر ولازم اخذ على شهري زياده لو يوم ههههههههه
رحت سجلت مع مواليد سبتمبر وجاني وحم عليهم هههههههههه رغم فيهم خوات عسولات
لكن بس ادخل التجمع يزيد الوحم من تشكي البعض ههههههههه
ولما دخلت التاسع حبيت ارجع للتجمع لكن للاسف لقيتهم عندهم اهتمام فضيع في القائمه و كأنك مسويه جريمه لو قلتي لهم متابعه بصمت واللي تتأخر ما تدخل التجمع يحذفونها من القائمه
طيب ما ابغى جدول وقوائم ابغى سوالف وتبادل خبرات وفضفضه
حتى جوري السالم ولدت ليلة الختمه في مكه وصلت مع السديس وكانت قصتها مؤثره سجلت دخول عشان ابارك لها لكن للاسف ما استقبلوها تمام طبعا مو الكل بالعكس فيه بنات عسولات تحمدولها بالسلامه وتأثروا من قصتها لكن اللي مشغلتهم القائمه وصل فيهم الحد يجون يدورون عنها هينا عندكم
صرحه تضايقت لاني انسحبت بهدواء لما شفت طريقتهم وجيت عندكم استفيد إلا تفاجأت إنهم جايين هنا يدورون عن جوري السالم هي من قائمتكم او قائمتهم
اسفه مو حش في احد بعينه لكن فضفضه
كنت راح اسيب المنتدى بكبره بسبب هذا الاسلوب
لين عثرت عليكم وذكرتوني في تجمعي في حملي السابق قلوب على بعض وأخوه وترحيب بكل اللي يدخل عليكم
وقائمة وشجره تفتح النفس بدون قلق و نظام عسكري مزعج هههههههه
واللي تكتب كلمه أو تجربه ياليت تحتسب فيها الاجر والنفع لانها تكسب أجر بإذن الله وهي ما تدري
مثل بيد كانت بتفاؤلها سبب لسعادة قلبي وفرحتي لاني أمر بظروف تشبه ظروفها والله فرحت لها كأنه أن اللي ولدت
وكان عندي يقين ربي بيكرمها ويحسن إليها كما أحسنت الظن به سبحانه وتعالى
#***حلت البركات بقدوم صرخات احباب الرحمن ((((تباشير **يوليو و اغسطس**))))****#
متابعة النقاش، صفحة 367