شاركي في النقاش

سجلي الدخول لإضافة تعليق.

التعليقات

2,017
  1. بيد

    الف مبرووووووووووك تستاهلين كل خير
    والله فرحتلك ياقلبي الحمدالله ربي رزقك بالولاده الطبيعيه
    ربي يحفظكم ويحميكم ويجعله من اخير الابناء يارب


    ريري
    علشانك
    مياسين
    الماسه

    الف الف مبرووووووك ياحبايب
    الله يجعلهم من الصالحين والبارين
  2. @b_e_a_d

    b-e-a-d
    ميه ميه العدنانية ليتني كرولين أم عصفورين أوطان جيجي أنجلينا وكل اللي باركوا لي الله يبارك فيكم يارب .. وعقبالكم بالفرج الله يرزقكم واجنتكم تمام الصحة والعافية والله أني فرحت من كل قلبي بفرحتكم ما توقعت أني بصير مصدر الهام لغيري ياااا …
    بالنسبة للأكشن




    هذا الله يسلمكم يا طويلات العمر والسلامة




    يوم الإثنين رحت لبيت أهلي ، هم مب موجودين .. رايحين من ليلة العيد لبيت جدي




    المهم
    بما إني جالسه وما عندي شغل ، حسيت بفراغ كارثي :)
    قلت ابتحرك واشتغل .. الحركة بركة .. وأمسك لي 3 غرف انظفها واكنسها وارتبها وامسحها
    بعدها خذت شاور ، وعالساعه 2 جاء رجلي ورحت للشقة .. وهناك قعدنا نسوي محاولات عشان نقلب الجنين .. ودهنت بطني بزيت زيتون ومحلب .. وزوجي متحمس بيلفه من برا ، قلت أقول لا تمصع رقبته .. خله ان انقلب براحته ولا مب لازم
    قال وش رأيك انفضك زيادة (يعني يمسك رجولي وأنا منسدحة ، ويحركها يمين ويسار وفوق وتحت ) .. قلت يله ، يمكن مع المحلب والنفضة ينقلب ..




    صلينا الفجر وانسدحت ، وعالساعه 9 ونص موعدي في دله .. ومن الساعة 5 وظهري شااب .. بس كنت أنام وأقوم عالطلقة .. قلت يمكن من الكرف امس ظهري صايل .. يوم جت الساعة 9 بدأ يصير كل 5 دقائق .. وصحيت زوجي على 10 إلا ربع .. قال نروح لطواريء دله على طول .. والبس بنيتي واجهز أغراضها ونروح سوا .. 




    دخلنا دله وأنا مازال الطلق محتمل .. يعني يضايق بس اقدر أتحمله عادي مره .. كشفت علي قالت مفتوح 3 سانتي ، بس انتي البيبي مقعدي تعالي وقعي عمليه .. قلت ما أبغى عمليه ، قالت وشلون يعني .. قلت انا فيه دكتور قائل لي احتمال الولادة الطبيعية عندك أحسن من القيصرية ، قالت روحي لدكتورك هذا وخليه يولدك .. قهرتتتتتتتتني
    ويوقع زوجي على مسؤوليته ونطلع




    قال يله .. وين نروح ؟ تبغين الملك خالد ؟ .. قلت ما أتوقع يستقبلني .. ودني للشميسي .. قال وش رأيك نروح للعسكري .. قلت خير وبركة ، مع أني ما عندي ملف فيه .. بس زوجي ضابط ..
    ورحنا للعسكري ، وفي الطريق إذا لف زوجي بقوة .. تجيني طلقة في مخي المها .. ووصلنا هناك .. قالوا ما تدخل الطوارئ إلا بملف لو مؤقت .. وراح زوجي سوا ملف مؤقت (طبعاً هالكلام الساعة 11 ، وما خلص من الملف إلا 12 .. وبنتي معي مسيكينة دايخه وطفشانه .. وأنا بس أدعي بدعاء الكرب .. وتيسرت الحمدلله)
    دخلت الطوارئ وراح زوجي وبنتي وحطها عند عمتها ورجع .. وأنا 12 ونص كشفوا علي قالوا مفتوح 5 .. وقالوا ليش ما راجعتي قبل وكذا .. قلت لهم السالفة .. قالوا خلاص ان شاء الله وضعك طبيعي ، والطفل حجمه مؤ كبير ، بتتيسر ان شاء الله .. وطبعا لازم يجهزون لي غرفة للطبيعي والقيصري .. عشان لو تعسرت الولادة يصيرون جاهزين .. وكل ما جهزوا غرفة .. جت حالة طارئة ورقوها .. إلين الساعة 4 العصر تقريباً
    ورقوني فوق .. طبعاً الطلق كان محتمل لحد الآن .. واتغلب على ألمه بالتنفس .. وادعي اللهم لا سهل إلا ما جعلته سهلا .. ودعاء الكرب ، وسورة الزلزلة .. واستغفر .. وكل شي ذكرته سويته :)
    ودعيت لكم والله بالفرج والسلامة




    مرت علي الاستشارية عالساعة 5 .. وقالت خذي إبرة الظهر .. لأنك مطولة .. وإذا جت الولادة بتصير صعبة عليك .. قلت أوكي ووقعت (طبعاً من الألم اللي فيني قلت في نفسي لو يقولون عمليه الآن وافقت ، بس ربي ستر الحمدلله)
    وتقول لي الممرضة انا ما اقدر أعطيك لبره في العضل .. نخاف يضعف الجنين ..
    ومن الساعة 5 والرحم فاتح 8 الين 10 ونص والدكتور من عمليه في عمليه ما فضى أبد .. والطلق حااااااامي .. الله يجعله تكفير ولا يضيع اجورنا يارب .. وفرجها ربي 10 ونص وركب إبرة الظهر .. 11 إلا ربع بدأ المفعول
    سبحان الذي سخر لنا هذا .. والله أنها نعمة من رب العالمين .. صرت أحس بالألم زي آلام الدورة الله يكرمكم .. والممرضة حبييييبة وتصبرني .. وتقول تحملي .. وبتولدين طبيعي ان شاء الله .. يوم جت الساعة 2 .. صار مفتوح 9 ونص .. بس الجنين مب راضي ينزل زيادة .. ويبغونه هو اللي يفتح الموية بنفسه .. تقول لو فتحناها حنا ممكن ينزل الحبل السري على تحت ونضطر للقيصرية
    والآلام بدت تقوى .. قامت زادت جرعة الإبرة وخف الألم (لأن الطلق مستمر ما يوقف أبد)
    يوم جت الساعة 4 وربع .. نادت الدكتور .. قالت الطفل نازل مره .. تعال افتح المويه وطلعه على طول .. جاء الدكتور .. وفتح الموية وقال ادفعي .. وادفع بأقوى ما عندي .. وهو يقول ما شاء الله ويشجع .. وأنا متحمسه .. أخاف أتأخر في الدفع ويختنق الجنين .. وتطلع المقعدة اول .. ورجلينه مسفطة من الفخذ .. يعني أقدام الجنين عند راسه .. وأحس بالرجل وهي تطلع وتنزل على تحت .. بس طبعا مع الإبرة ما أحس بالألم .. بس صعب الدفع مره وإنتي ما تحسين .. وعالساعه 4 و 45 الفجر .. شرّف سي السيد .. وأول ما طلع ما صاح .. شفطت خشمه .. وقامت تمسح عليه وتحط قدامه أنبوب أكسجين .. صاح مرتين وبعدها سكت وقام يتفرج عالعالم .. وطبعاً ما شقوني الله يهديهم .. هو انشق بنفسه .. وخاطت داخلي 5 غرز .. وخارجي 6 غرز .. والحمد لله




    والله يا بنات ما تتسهل الولادة إلا بالدعاء
    كنت كل صلاة ادعي : 
    اللهم أني أسألك بأن لك الحمد لا إله إلا انت يا حي ياقيوم يا بديع السماوات والأرض ياذا الجلال والإكرام
    ان تكتب لي الولادة الطبيعية السهلة الميسرة .. وترزقني بالطفل السليم المعافى من كل عاهة وبلاء .. وتسخر لي من احتجت اليه ساعة الولادة




    والله كلها شفتها قدام عيني ياربي لك الحمد
    دائماً توكلوا على الله .. وايقنوا بالفرج




    الله يفرج لكم من أوسع أبوابه .. ويقومكم واجنتكم بالسلامة .. ويجعل كل دقيقة تعب تكفير يارب
    ولا يحرمنا من قرة عيوننا .. ويجعلهم من عباده الصالحين البارين
    اللهم أمين
  3. @aotan

    حكايا الزمن
    مبرووك لللي ولدو والحمدلله على السلامه وعقبال الصامدات
    العدنانيه
    امين ع الدعوه الحلوه
    وصراحه اول مره افضفض عن طريقة ردود البعض في المنتدى وحاسه بتأنيب ضمير لكن الله يسامحني ويسامحهن بعض الردود  تسبب نفور  من المنتدى رغم الغالبيه العظماء كلامهم خير ونفع للغير الحمدلله  وهذا اللي حببني بعالم حواء


    جوجي 
    الله يحييك ويحييك ويبقيك

    بس تكفين روحي للولاده وانتي مصحصحه مو دجاجه صقعه لا تجيبين العيد هههههه>>>>>>>شكلي بانطرد واتكفخ بعد
  4. هلا بك حلمي ووين رحتي قلقت عليك وٱللـّٰ? ..

    جيجي / كيفكك ي عسل ؛ لا ٱ‏​نــْا مو بكريه هذا حملي الثاني الحَـمْدللـّٰـ? واخر مراجعه رحتها 20/9 قالت لي وضعك تمام والجنين راسه تحت بس لسا مانزل الحوض .. 

    اوطان / بصصراحه كلمة حق البنات هنا عسسسل ٱ‏​نــْا سجلت ع السابع واستقبلوني وارتحت معاهم ناس تحب الخير للغير وحبييييتهم من كل قَلبـــي? وربي يجمعنا ‏​فِــي جنات النعيم ..
     وبالنسبه للافراز الي نزل عليه نفس وصفك له يومين تقريباً ومرررره نغزات من تحت كل مامشيت وٱللـّٰ? احس بشي ينفك من تحت لكن الي محيرني التحجر يشد عليه فترررره ويتباعد ‏​فِــي المده .. ع كل حال اليوم اروح واشوف ايش ووضعي ان شاء ٱللـّٰـ? ماكنسل زي ماسويت امس من الخوف قلت بكرا :(

تابعي تجارب أخرى من هذا القسم.