الفزعة يا بنات الامارات

السلام عليكم

عزيزاتي

الله يخليكم يا أهل الامارات يا اهل الطيب والسنع ابي اعرف طريقة المخمرية انتو مشهورين بها ابي اعرف كيف تنعمل واي عطر استخدم لاني الصراحة اهدوني اياها ناس من اهل دبي يمكن من 5 سنين أو أكثر وهم مسوينها بروحهم لكن فظييييييييييعة بكل معنى الكلمة وللأسف ماعلموني الطريقة :(

اللي فيكم تعرف طريقتها تفيدني ولا الجاهزة جربتها لكن ماتنفع ولاتجي شي عند اللي تنعمل بالبيت والله يجزاها خير....

اختكم

منبع الحنان:27:

4 تعليق 788 مشاهدة

شاركي في النقاش

سجلي الدخول لإضافة تعليق.

التعليقات

4
  1. @bnt_albnat_1

    المخمرية يا بنات
    هذي الطريقة شفتها مكتوبة في النت

    وهذي اضافة جديدة...المخمّرية
    أنا سوّيتها لكن بدون مقادير معينة..هي التجربة الأولى وكانت نجحة
    هذي المكونات اللي تخلط مع بعض:

    - عود بودرة -مطحون-
    - عرق الزعفران -بس مب تكثرون منه-
    - خيوط زعفران -في أنواع واللي ينحط في المخمرية اسمه "الزعفران الشامي" بس أنا ما استعملت هالنوع-
    - ربع تولة دهن عود - هذا بس اللي ذكرت مقداره ههههههه-
    - مسك أصفرأو أبيض المهم مسك تحبون ريحته عطر وبودرة
    - مخلط حسب ذوقكم -عربي أو فرنسي اللي تحبونه-
    - عطر ورد الطائف -هذا غالي-
  2. @am_allyl

    اتمنى احد يدلنى على المحلات اللى تبيعها

    بشرط ان لاتكون غالية


    لانة ودى اشترى كمية واتاجر بها بالسعودية
  3. @mnbaa_alhnan

    صاحبة الموضوع
    السلام عليكم

    اخواتي العزيزات
    أشكركم على الرد الكريم واحب ان ابشركم ان أحد الأخوات الإماراتيات (جزاها الله خير) وضعت طريقة عمل المخمرية بعد مانزلت هذا الموضوع بيوم و إن شاء الله تستفيدون من موضوعها.

    هذا هو الرابط http://forum.hawaaworld.com/showthread.php?threadid=101880

    اختكم في الله



    منبع الحنان

تابعي تجارب أخرى من هذا القسم.